觀塘真係出晒名多工廈Cafe，呢間Cafe其實好耐之前朋友已經推介過，以古董作為主題喺觀塘來講的確比較少見🙈呢度除咗係一間咖啡店之外亦係一間古董婚紗店，可以俾人租借場地影相💜留意番其實上網都有唔少人講過餐廳嘅食物質素係普普通通，所以大家就唔好對佢嘅食物質素抱有太大期望😂建議大家嚟到可以帶定復古相機嚟打卡☺️ Cafe既坐位唔算多，環境幾清靜好舒服，同朋友坐喺度傾吓計真係好Chill架🤤_🍓士多啤梨藍莓法式甜薄餅 $88好欣賞呢度嘅擺盤，賣相真係好吸引🤩薄餅皮係超級薄果隻，飽足感唔算太高，士多啤梨配上藍莓嘅組合🤤食落去酸酸甜甜幾開胃_🍰冧酒芝士蛋糕 跟餐+$25蛋糕食落都算順滑，不過其實小編食唔出冧酒味，整體味道都係偏淡😂_🍵英式早餐茶 $46早餐茶配上法式甜點能夠解膩，店員有主動幫手加水，呢個值得加分🥳_☕️ Hot Cappuccino $22雖然冇拉花但係味道唔錯，咖啡味道濃郁，表面的牛奶泡沫都幾多，小編都幾鍾意❤️_地址🗺Parc古道具公園觀塘鴻圖道60號鴻福工廠大廈10樓B2號舖
