知道深水埗有呢間嫲嫲辣辣，特登過黎試一下。 緊系要order返個辣鍋先啦！果然系深水埗，平過上次中環個間好多。呢間無預設鍋底，揀返鍾意既配菜就ok啦。我揀左雞，田雞，蓮藕，豆干，茶樹菇同秀珍菇，第一次黎唔知呢度既辣度系點所以保守d叫住中辣先啦！ Yeah！有野食！好香但就聞吾太到麻味！中辣都吾太辣咋wor，下次要試大辣先！不過又無上次中環個間<麻辣燙>甘咸，所以幾好。雞同田雞都細細舊，幾嫩，但系系一大鍋野入面其實唔係好分得出邊樣打邊樣lor。蓮藕片麻麻地，因為有好多舊都淋曬既，我懷疑有一部分既蓮藕系翻煮，好彩都有幾舊系正常脆卜卜既。豆干，茶樹菇同秀珍菇都好味！ 去辣店必點既清炒萵筍絲！但......呢個萵筍絲真系好幼身lor，平時個d無甘細條架。同埋太多油同蔥，食落去蔥油味蓋過曬萵筍既清香味，好失望！ 呢家店其實仲有好多其他辣菜，例如我大愛既水煮魚。仲有辣蟹，不過就需要預定，waiter話最遲當日朝早預定，甘就會去買最新鮮既蟹返黎煮啦！好期待下一次試食大辣干鍋，水煮魚同辣蟹啊！By the way，最後埋單只係HKD300，好抵啊！ 嫲嫲辣辣 地址：香港九龍深水埗福榮街105號地下 電話：2394 4332
