好懷念北京既麻辣乾鍋，居然朋友搵到香港都有！小小既店，等左一陣先有位。Wah！個價錢真係貴過北京好多wor，但無計啦，唔同成日要飛去北京食咩！ 個鍋本來已經有排骨，雞片同墨魚仔啦，所以我加左d配料，鮮菇，薯仔，香干同埋茶樹菇！好期待啊！ 辣度正常，可以再麻d就好啦，不過味道都算系甘啦，無可能會好似北京甘好食架啦！雞片好滑好味，排骨系一塊塊既薄豬扒，好好笑lor，因為我本來以為會系一粒粒個d排骨。墨魚仔我覺得無乜特別。鮮菇，香干同茶樹菇都好好味！但一條條既薯仔就普普通通lor，唔夠入味！ 唔知點解間野系openrice既資料唔太啱，照返呢個地址去就ok啦！ 麻辣燙 Chilli Fagara 地址：香港中環嘉咸街51A地下 電話：2893 3320
