#赤倉住宿 #妙高住宿 登登登登 妙高住宿介紹再次出場 終於唧到D野出黎🤪 唔好意思 要大家久等 呢個夏天真係好嘢 到九月都仲有野可以繼續分享🤓😝未留妙高一季之前 我最愛係野沢 但體驗完成季之後 覺得妙高都好正 宜家平分秋色👍🏻其實妙高都有好多民宿 不過礙於溝通問題 好多都搵唔到Book唔到 妙高觀光協會有中文版 可以用中文email佢地 但選擇冇咁多http://tw.myoko-note.jp/stay/或者可以去日版觀光局望下 選擇會多Dhttps://www.myoko.tv/spots?q%5Bcategories_id_in%5D%5B%5D=10但我終於覺得じゃらん最好https://www.jalan.net/或者一般嘅 Agoda, Booking.com 等等都可以搵到妙高住宿大家都好好奇我喺妙高成季住邊 我勁好彩搵到呢間位置好到不得了嘅高原ホテル対山Kogen Hotel Taizanhttp://www.hoteltaizan.jp/426-2 Akakura, Myoko, Niigata 949-2111, Japan+81 255-87-2065https://goo.gl/maps/89uihLMVeVjZvnWM8地理位置一流嘅佢喺正溫泉街中間 行去邊都咁方便 但唔好嘅係佢某D房對正兩間最熱鬧嘅酒吧 所以都頗嘈下 試過D鬼佬玩到冇野好玩 夜麻麻唔知喺邊度搵到個大聲公黎嗌😰又有一次住宿隔離間地牢酒吧唔知開乜嘢party 個Bass震到我都feel到(榻榻米中) 真係唔得佢屎🙄😭😨由於我喺長租 所以佢安排左間比較一般嘅房比我 下稱“溫馨柴房”😅 係尾房黎 好在我乜都feel唔到 但有朋友黎探我嘅時候就寒一寒 係呀 佢有時夜晚都唔開燈家 條走廊又鬼死咁長🤭🤫不過放心 間尾房通常以長租形式租出 一般唔會租比短期住客 因為一定會投訴 所以你地唔會體驗到🤪房間大細價錢 有興趣可以去官網望下 因為有朋友同雪友黎住過 所以客房係點都略知一二 房唔係好夠暖 餐飲亦屬一般開季果陣朋友黎住 早餐係set 所以唔係好飽 味道不過不失 我食嘅話要加錢 都唔平所以冇食到 到之後多D客人佢轉做Buffet 因為我長住所以有優惠 價錢合理可以食飽飽 可接受 但黎黎去去都係果D (唔好期望太大同太高要求😬)整體住宿喺赤倉黎講算中上 房間算多 但最致命係佢房間入面嘅沖涼房D水唔夠熱 所以基本上都要去溫泉度沖🚿溫泉喺妙高黎講算大 溫泉水夠熱 唔係住客都可以比¥600黎浸 但沖涼水都係唔夠熱🙄 要快快手沖同抺身 唔係會凍親🥶🤧 有投幣洗衣機同乾衣機 用之前望清楚入面乾唔乾淨 成日都有好大舊塵定唔知咩污糟嘢喺入面最欣賞係佢個聯誼大廳 都算寬躺 坐到廿幾三十人 因為有個嫁過黎嘅香港女仔 所以有雞蛋仔供應 試過都唔錯嘅Staff都nice 不過雖然話係嫁過黎嘅香港人 但佢D用詞唔係好香港🤔有次問佢有冇妙高高原駅接送(要出東京)佢話冇(見我係長住所以唔so我?) 叫我自己搭巴士或call的 我有D O咀😑 以我所知 呢度嘅民宿接送係基本野 但之後再返去住(東京返黎)佢奶奶(日本媽媽)又黎車站接我 咁即係🤔仲有咩漏咗未講🤔位置 ★★★★★房間 ★★★餐飲 ★★★溫泉 ★★★☆聯誼空間 ★★★★
