過多兩日都七月啦 係時間安排下個雪季既行程 其實每季完結前都會諗定下季去邊 黎緊呢季去邊其實一早有打算 早到其實上季已經想去 只係未能同大家分享 直至最近一直有朋友問我下季去邊 其實真係好想同大家講 我想去安比 冇一早講係因為我要book long staying既住宿 之前話九月先至有得book 到宜家又話10月 所以一直講唔到 因為我驚到時book唔到 咁點算 然後有雪友見到安比相對遠(對比長野 新潟縣既雪場黎講 安比又真係遠左D 但其實搭JR都唔好耐唶) 會問我點解要揀安比 因為我想試新野 想用有限既時間去體驗唔同既野 那怕瀨野(我都瀨唔少) 而且去完斑尾同瑞士 我更加想搵一個地方好好練習 安比滑道寬闊又夠長而且仲有個Park 簡直啱晒我 我相信安比係個值得去既滑雪場 我唔介意大家先去再同我分享 當然 今季能夠喺果度見到大家就更開心啦 如果有緣 那怕冇約定亦會喺雪場遇到