其實二世古除左有得滑雪，周遭都有唔少溫泉，當然唔似得野沢徒步就到。如果下次係自駕既，不妨參考我試過既溫泉同浸後感，滑完雪，浸個溫泉舒緩下，最好咁啱落埋雪，真係啱feel到呢...... 評分以當日環境而定，可能會有落差，5★最高分，✫此為半粒 Hilton Niseko Village ★★ ¥1000 一內一外唔夠熱。外面個view同個feel其實都一般，仲有D好奇怪既魚喺個池外面口擘擘咁飲溫泉水? 都幾得人驚下。 住客唔駛額外比錢可以一試，但如果要比¥1000黎浸我就唔會推介呢度。 Niseko Alpen ★★★ ¥700 除左有一般洗頭護髮供應之外，仲會有一啲做推廣既牌子比你試，唔錯。 一外一內都夠熱既(一日覺得OK，一日覺得熱)。雖然有戶外池但係擋住晒，因為出面就係family條slope。 One Niseko ★★★ (通常係住客先會黎浸，所以唔知收外人幾錢) 男女池會換，入去之前睇清楚。一外一內時熱時唔熱，外池對住有雪既樹林都OK，但都有D擋住。 甘露の森 ★★★✫ ¥800 一內一外，外池上面同前面都有野擋住，所以視野一般，水夠熱。 湯心亭 ★★★★ ¥800 一內一外。出面果個好熱，冇擋住，落住雪浸一流。 Ikoino Yuyado Iroha いこいの湯宿いろは ★★★★ ¥800 夠熱冇遮擋，中間仲有張枱(比你放啤酒?) 落雪黎浸應該唔錯。 Niseko Weiss Hotel ★★★★ ¥700-800 露天個池上面有遮住，池唔算大，但果晚落雪，覺得好有feel。 此酒店比較偏僻，人相對比較少，唔想兜口兜面都係台灣香港大陸人，可以考慮下。 幽泉閣 ★★✫ ¥500 入面有幾個池，唔記得露天係點，地方算寬敞，但整體感覺一般。 鯉川温泉旅館 ★★★★ ¥600 外池冇遮冇掩，落雪去浸一流，格局比較舊式同傳統feel，地方淺窄，帶自己野洗頭沖涼好D。 雪秩父 ★★★★★★★ ¥500 推介 入面有兩個池，一溫一熱；外有幾個，不過唔太夠熱，其中一個係泥浴，好好玩，但男果邊冇泥玩sorry~
