話說我喺雪山上面既酒店(?)度做receptionist，一星期返6日，有5日返半晝，1日全日，一係返工前去滑，一係放工去，所以基本上一星期可以滑到6日。但最初果兩個星期真係好攰唔慣又好痛，加上有時天氣差，例如好大風雪能見度低都去唔到滑，所以又唔係日日都可以去練習。終於有一日可以夾到兩個識滑既同事同我一齊滑，當然興致勃勃咁去玩啦，又有人可以指點下我，點知就出事啦。 話說個韓仔好好咁捉住我兩隻手帶住我滑，但果時我連S turn都未曉，就已經同我打直塊板滑，果下係爽呀咪又以為自己得囉，跟住就自己一個滑，點知喺一個位輕輕咁“kick”到下，但當時我唔識平行又控制唔到，就咁右面膊頭撞落地下，OMG! 因為好痛，我瞓左喺度10分鐘左右先起到身，結果呢個雪季要提早結束了… 亦都係因為呢個原因，冇得再同同事去滑雪囉，又拉唔到T-Bar囉。 好在我係做reception，如果我係做執房、餐廳或者酒吧，我就要提早落山啦，因為做唔到野，老闆都唔會比你留喺度。我記得出事果日係返晏晝，當我知道自己賴左野唔滑得雪住，我痛住返去換衫返工再用左手做野寫字(頂，咪就係關regular同goofy既事囉!!!)，老闆見到我咁都要返黎返工，又於心何忍叫我執包袱落山呢… 唸起都陰公。
