泰國菜, 我想係繼日本菜後成為香港人的第二最愛~ 想食泰菜, 大家都會想起九龍城~ 當然, 也有不少開在商場的泰菜~ 但那種傳統的泰式設計, 令很多型人卻步~ Greyhound Cafe 是近年在香港冒起的泰國型店~ 選址在中環IFC, 又一城, 海港城及新世紀呢D高級的商場~ 由時裝品牌發展到食肆，仲可以係呢D租金咁高昂既商場~ 且常見各間Greyhound 門口都排滿人~ 實力, 應該有番咁上下掛~ 今次就選址左IFC 的Greyhound~ 裝修同其他的分店都同出一徹~ 令人一眼就認到~ 老實講, 見到咁型格既裝修，真係無人諗到係食菜國野架~XD 泰菜，小食往往都好吸引~ 有時甚至食小食都飽左~HAHA 今次揀左四款小食, 雖然話係小食, 但分量都唔小架~ 脆炸粟米蟹肉餅配甜酸醬 睇個樣好似蝦餅, 實情係入面全部都只係蟹肉混合粟米, 並無加入蝦膠整到成塊餅咁硬膠膠~ 入口食到啖啖既蟹肉同粟米~好鬼正~ 第二道小食是絕對唔似泰菜意大利肉腸芝士餡餅 睇個名, 真係以為成件PIZZA咁, 望到個實物, 又唔係喎~ 再食入口, 感覺頓時好泰FEEL 餡餅的餡是混合豬肉,感覺似是泰式肉碎個隻味~ 加埋個脆脆既餅皮，外脆內香。感覺好盏鬼~ 第三道小食是軟殼蟹沙律~ 軟殼蟹沙律, 感覺好日式FEEL ~ 加上我地顧住照相，軟殼蟹的確軟左少少~ 不過, 佢底層既沙律就超正~, 因為加入左泰式既甜甜酸酸~ 好醒胃，即時去除哂食煎炸野既油膩~ 呢個沙律, 我食多碟都仲得呀~ 第四道小菜 招牌脆炸單骨雞翼~ 比起上面的3款小食, 我自己就麻麻地呢個雞翼~ 雞翼既煮法太多，要脫穎而出真係幾難~ 呢款雞翼因為炸既關係變得干身, 而且味道偏重~ 成為餐前小食就普通了 反而如果飲酒時有呢幾隻雞翼, 我估大家會開心到大叫~HAHA 我地四個女仔, 食完前面個幾碟"大食"後, 其實都已經飽左一半~ 所以下次大家叫小食時要量力而為呀~HAHA 食完小食, 當然進入MAIN COURSE 啦~ 泰菜黎講, 冬蔭公是我至愛的 當然要揀番個泰河蝦冬蔭公湯河粉啦~XD 個隻河蝦大隻到呢~ 真係估佢唔到~ 成碗冬蔭公都充滿左河蝦既鮮味~ 而佢用既粉同我地平時個D唔同, 係一片片的~類似廣東人既陳村粉~ 不過入口同河粉都一樣係滑嘟嘟的~ 成個湯河唯一美中不足是唔夠辣~ 可能為左遷就香港人既口味, 湯底偏酸但少少少少辣~ 對於我呢D無辣不歡既人就覺得差緊D野咁~ 但對於少食辣既你, 就啱啱好了~ 第二個主菜是香草辣椒炒雞肉碎配白飯~ 佢既平時既豬肉碎換左個雞肉，令到口感滑D, 無豬肉咁O鞋~ 直頭係泰式肉末的變奏~ 不過今次就唔係用菜包，而係配飯~ 雞肉末炒香草, 味道很濃郁, 加上辣椒的調和, 送飯一流~ 值得一提既係佢既湯係咸酸菜湯，味道甜甜地, 好得意, 好好味~ 第四個菜驟眼睇以為係西野~ 但佢個名叫泰國鹹魚乾辣椒意大利麵~ 即係中西既CROSSOVER~ 有鹹魚既意粉, 真係第一次食~ 感覺嘛, 確是有D奇特~ 鹹鹹鮮鮮既味道配上意粉, 我個人就麻麻 可以的話將個意粉改做"靚仔", 我估我應該愛死了~HAHA 最後一個主菜, 鮮蝦炒金邊粉~ 我的疑問是, 旁邊個D生既芽菜係咪應該要溝埋一齊食？ 不過當我發現時, 碟粉已經無乜了~ 呢D粉既精華在於大量既配菜, 配菜既分量比粉還要多~ 朋友話味道似福建炒飯 不過我就覺得呢碟反而似番最正宗既泰菜啦~ 其實四條女, 食到呢度~ 應該都已經食唔得落架啦~ 不過呢, 甜品喎~ 又係另一回事啦~HAHA 新鮮椰子千層蛋糕 白色的椰子味CREAM 包裏住一條條新鮮既椰絲 軟中有嚼頭~ CREAM 不是很甜的那種，但我怕溜~ 淺嚐較佳~ 香蕉榛子芝士蛋糕~ CHEESE CAKE, 嘛, 是我的強項~我指食方面~ 脆脆餅底加上香白芝士味~ 食完又想再食 最後~ 我把整個KO 了~ 唯一美中不足是欠一杯香濃COFFEE ~HAHA 芒果芭菲~ 呢個是我超級推介呀~ 很清新的甜品, 就像法國菜的Sorbet 最適合食完辣辣泰菜後清一清口腔~ 鮮製蘋果金寶~ 呢個APPLE COMBO 其實做得好好 餅碎仲KEEP到好脆脆， 不過遇到大粒D既就可能會硬少少, 要出多少少牙力~ 蘋果方面如果可切細小小就PERFECT 啦, 食左咁多野, 又點會無\餐飲呢？ 呢杯藍色既液體是藍蘭豆甜菊茶~ 上網搵唔到藍蘭豆, 但搵到butterfly pea tea蠂豆花茶 我估應該是一樣野黎~, 呢種豆有豐富維他命A,C&E, 而且可以提高免疫力, 幫助促進皮膚的彈力及骨膠原, 還有效防止胃痛 加左檸檬或蜜糖後會變成紫色, 好靚的~ 味道嘛, 可以加入左蜜糖的關係, 只係飲到蜜糖味 下次要記得係未加之前試下先~ 呢杯並唔係普通既茶記凍O茶~ 佢係GREYHOUND CAFE 的特色凍O茶~ 特色在佢D冰~ 用凍O茶雪成, 就算D冰融左, 味道都可以KEEP到~ 係食腦之作~ 服務方面，可能選址IFC, 真係寧舍好招呼 今時今日仲可以有咁既服務態度, 真係無乜幾多間~ (仲要係爆場既情況下都依然KEEP到笑容個下先勁~) 價錢方面, 百幾蚊一個小食 但份量足，可以一齊SHARE, 所以基本上都唔算貴~ 如果係IFC呢間, 對住無敵大海景，我覺得算係平價之選添~ 多謝我的好朋友帶我食左餐恨左好耐既餐~ Thx My Dear 如要聯絡本人，請電郵至：smonkichi@hotmail.com
