爸爸放大假，本黎諗住去旅行，點知阿女個PASSPORT 又過期~@@ 天氣凍，唔想下下去埋D郊外地方吹風 不如近近地去屋企附近玩啦~ 宅蝦池 JaHazzi 室內釣蝦場 黎到尼度，第一個感覺係 DREAM HOME AR 呢度既感覺似一個家多D，有齊哂影音設備，梳化，波枱 仲有呢度唔使錢任玩的街機呀~ 爸爸仲興奮過個女~@@ 而係中間呢個池，就係釣蝦既地方啦~ 釣蝦前，我地先抽2張圖，如果釣到隻蝦尾有同一圖案就會有禮物架啦~ (店主成日都會諗D小遊戲同大家玩，增加釣蝦的樂趣) 隻狗狗係咪好得意呢~ 其實，佢係駐場狗狗黎~ 超級乖又超級温順架~ 我走個時，佢仲唔捨得我，送埋我出門口添呀~ 大家黎到唔使驚佢架，好好愛護佢就得啦~ (好掛住佢添) 店主依家仲做緊大優惠，只要LIKE FACEBOOK就送野飲 有好耐無見既罐裝珍珠奶茶揀呀~ 釣蝦比釣魚更適合小朋友玩 因為釣蝦枝桿好迷李，又輕，小朋友自己都HANDLE到~ 店主仲有超多蝦餌供應添呀~ 每次只要釣一點點就夠架啦~ 呢度有高櫈坐，阿囡都夠高自己揸枝桿釣 而且枱面好闊，好安全，唔使怕小朋友跌落池架~HAHA 話咁快，爸爸已經有收穫啦~ 真係超有成功感~ 據店主經驗，夏天既蝦較傻，較活躍，容易釣 冬天既蝦較懶，唔願郁，要考你技術 店主仲好耐心咁教你睇浮桿，拖桿，拉桿 今次就爸爸技術搭夠，嬴左阿囡 XD 釣到既蝦，可以交俾店主幫你整~ 之後就可以坐係呢度好似CAFE既用餐區等食啦~ (等食同食野係唔計時間架) 今次既蝦有2個煮法 鹽焗大蝦 剛出爐超香，唔會好咸，蝦肉好彈牙~蝦味濃 連平時唔愛食蝦的女女都搶住剝黎食 一個人差唔多食左大半~@@ 另一個冬蔭公蝦湯，唔算好辣，反而飲到好多香料同蝦味 入面既蝦都係超級，無鹽燒咁彈牙，但加左冬蔭公味更惹味 蝦頭仲有超多膏~ 不過湯唔太夠熱，香味稍遜~ 之前一直有個錯覺，以為釣蝦場好似海產市場咁 濕立立，又充滿海水腥味 但黎過尼度後完全改觀哂 除左中間有個蝦池外，同一般既CAFE 無分別 空氣好清新，一D腥味都無 店入面每處都見到店主精心的設計 店主話呢度所有裝修都係佢地自己一手一腳整出黎架~ 店主係2個年輕人，因為興趣，連樓都唔買，將錢開左呢個蝦池 樣樣事親力親為，由朝早九點返蝦場打點，到夜晚3點先收工 (呢度開到夜晚2點架) 好感動，亦好熱血，完全感受到年輕人個種創業的拼勁 亦感受到佢地對釣蝦活動既熱情 唔經唔覺，又玩左成個下午 之前仲以為爸爸覺得小兒科，會悶 點知佢仲開心過阿囡 除左釣到蝦外，佢話呢度好舒服，又有WIFI，又有電視， 夏天有冷氣，冬天唔使凍 點解我覺得佢會自已一個黎玩既~@@ 題外話：呢度8-10人就可以包場，有連到會的package 建議先電話訂位，以免去到FULL HOUSE. 宅蝦池 JaHazzi 室內釣蝦場 JaHazzi Indoor Shrimp Fishing 觀塘興業街14號永興工業大廈6樓C5室 查詢及訂座電話號碼 : 65582103 (WhatsApp) https://www.facebook.com/JaHazzihk/ 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ Blog Link : The Ztyle Beauty Qooza She.com U Beauty Beautylife Blogspot BE We Share Cosmo Elle Baby Kingdom
