好耐之前去過九龍城既ORANGE ELEPHANT 估唔到今日入到黎奧海城大角咀，都見到佢蹤影~ 呢度好似無九龍城咁大，是夜 8:30 去到都爆哂場，要等一陣~ 和九龍城一樣的，就係佢既裝修 都一樣走新式泰國風格，有新式的泰象仔裝飾 簡單清新，無舊式個D木像和黑沉沉的感覺~ 食物好多選擇，由前菜沙律，到湯/明爐 串燒/咖喱/豬牛羊..... 叫左我最愛的青木瓜沙律 好清新，辣辣地，混有青木瓜絲/紅蘿蔔絲/生豆角/花生/蕃茄仔 好正宗，好開胃的一道前菜~ 再黎個小食 香煎蝦餅 蝦餅好圓身，唔係平時扁匴個隻~ 外表炸得好金黃香口，入面的蝦膠同平時有D唔同 唔係彈牙爽口個種，而係淋淋地，有肉感個種 食泰菜，飲冬蔭公是指定動作 是日叫左個細既冬蔭公 (HKD 82)，都有5碗度 蝦好大隻，好爽口 味道唔算太辣，酸味不太勁，反而有D少咸 咖喱海鮮脆包盅 HKD 142 超大的一個，3個人係食唔哂的~ 飽入面有好多海鮮料，有魚，有蝦，有大隻青口 不過入面既料都比較淋身~ 蒜茸炒椰菜苗 HKD 62 呢個菜好清新，菜苗好鮮嫩，味道好清甜，只有淡淡的蒜茸味， 用黎中和之前的濃味咖喱，冬蔭去，絕配~ 呢度既客人比較多，待應姐姐都做到無停手，顧唔到咁多張枱 坐底左好耐都未有水，等落單都等左一段時間 見佢地跑黎跑去都幾辛苦~ 香港地做飲食業真係做死人 唔怪得家下D後生都唔願入行啦~ Orange Elephant Thai Restaurant 大角咀博文街42號 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ My Blog Link : The Ztyle Beauty Qooza She.com U Beauty Beautylife Blogspot BE We Share
