其實香港有好多藝術團體同展覽場地，地方又靚又少人 行得舒服，又玩得開心，仲可以涼住冷氣，夏天都唔怕~ 眼見好多人假日只去迫商場，跳彈床，狂消費 所以好想介紹下呢D既擴闊眼界，增長見聞，又行得舒服的活動場地俾大/小朋友~ 今次就介紹呢個位於炮台山的"油街實現"展覽場地 呢個距離炮台山A2出口行五分鐘既地方，方便又就腳 會定期和不同的團體舉辦不同的展覽~ 仲要係免費架~ 呢期的展覽，我覺得小朋友都好啱玩 (藝術既野唔一定深到睇唔明的) 第一個展覽館 北角睇樓團 夠哂地道香港特色，大家應該好有共鳴~ 作者，背景呢D資料大家可以去番以下網址睇 https://www.facebook.com/北角睇樓團 一入去，就有一個俾你任意抒發情懷的地方，<<留言版>> 點解要買樓？點解唔買樓？你揀邊一個？WHY ? 如果突然一時腦塞諗唔出，可以學阿囡咁，蓋個印囉~ 呢度已經幫你諗好左好多理由，梗有一個合你心意~ 小朋友未必有咁深刻睇會，或者未識睇會，不過俾佢蓋下印仔都開心啦~ 而我睇住D留言，真係百感交雜呀~香港人為左層樓，可以去到幾盡呀~ @@ 入到黎，嘩，好壯觀的櫃桶山呀~ 《迫櫃園》 香港地太細，身外物太多，容乜易就搞成咁呀~ 每個人既櫃桶底都會放左好多自以為好有紀念價值的野，放下放下就堆成山~ 望住呢D懷舊野，想起當年點點點…….. 小朋友嘛，好多都未見過，覺得好新鮮，於是，媽媽就可以同佢講下舊時啦~ 對我地，可能係舊物舊回憶一堆 對於小朋友，就係一個新事物的認識啦~ 《碌架山一號》 一床多義 呢張床就係香港人的蝸居啦~ 一個小天地，你數到包含有幾多生活嗎？ 一個小斗室，竟可以容納到一個家~ 還附送一個小花園~ 香港人的居住環境，就是歡樂滿XX的現實版 阿囡，你數到呢個間有D咩呀？ 或者小朋友未必明白這堆東西意義，但也可讓她明白，香港是如此的"細"~ 盛食當灶 另一個角落，是一個果醬與環保酵素工作坊 香港每日廚餘棄置量高達三千六百公噸，其中包括日常生活上過剩的東西， 例如過多的外賣飲品糖包、剩餘的水果及果皮等。 工作坊就敎大家利用果皮去製作清楚酵素，環保又慳錢，更可為地球出一分力 工作坊是免費，WALK IN 便可 可惜當日係臨時黎，所以無帶任何材料 工作坊不定期舉辦，內容/日期請先行查閱有關資料 大家可以留意住油街的FACEBOOK 睇下幾時再有工作坊搞~ 呢度仲放左好多之前工作坊的成品係度俾大家欣賞架~ 「柒紙媒 — 紙上北角」 一個以紙黎表逹作者心目中的北角 其實我唔係北角人，所以對北角的認識都唔係好深，你話好有共鳴嘛，其實係無乜~ 不過對於阿囡，呢度就係一個遊樂場~ 月園，一個曾經好短暫出現係北角的繁華之地 作者利用紙將佢重新展現係大家眼前 小朋友可以用大頭針同預先整好的圖工，去構想自己的月園 睇下阿囡幾有心機將D車放番入個停車場度~ 有時未必需要D咩高科技，幾張紙，幾口釘，已經玩到唔願走~ 開頭以為係用紙整既吊燈 點知見到外星人既~ 阿囡望到有D淆底~XD 原來呢D係外星人的飛碟黎架~ (北角之前有發現外星人嘛？) 呢度仲有好多同紙有關的展覽~ 淨係呢個紙牆加燈都可以玩一餐啦~ 阿囡仲咩咁神心呀？ 原來佢係玩緊拓印， 呢種古代的印刷術可以令阿囡明白想印刷一本書唔係咁易，要好好珍惜每一本讀物呀~ (因為真係油到手軟架~XD) 另一個展覽，以細小模型砌出香港人的居所 阿囡好認真咁係度搵人仔XD 原來我地真係咁渺小架咋~ 除左展館外，我最愛就係呢大陽台 呢度舊建築前身係皇家遊艇會，出面係一大片海 (多謝FACEBOOK 的朋友提供資料呀) 不過家下滄海桑田都變成高樓大廈啦~ 除左老式的階磚，雕花的圍欄外，最愛就係呢度既日落~ 幸運地，我2次黎都係日落時份，有機會置身係呢個咁靚既畫面~ 鐘意攝影既父母，可以帶小朋友黎影番輯沙龍架~ 宋冬白做園 幸運地遇到爵士樂隊GroovyLife於白做園Jam歌， 「Jam了也白Jam」去回應宋冬先生的名句 「不做白不做，做了也白做，白做也得做。」- 宋冬 輕快的樂曲陪伴我地遊園~ 渡過了一個輕鬆悠閒又舒服的下午~ 呢期展覽去到7月架~ 當中仲會不時舉辦工作坊，有興趣的朋友可以去瀏覽以下網址~ https://www.facebook.com/oioilstreetartspace http://www.lcsd.gov.hk/CE/Museum/APO/zh_TW/web/apo/y_project.html 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ My Blog Link : The Ztyle Beauty Qooza She.com U Beauty Beautylife Blogspot BE We Share
