之前食過2次蒸海鮮，人太少，樣樣想食又食唔到咁多 今次終於約左成圍人去食啦~ YEAH 有蒸氣海鮮火鍋專門店 朋友訂左呢度既一間房，唔使MINI CHARGE, 人多有間房真係開心D，講野都可以大聲D~XD 值得一讚呢度既抽風系列幾好，雖然坐左成晚房蒸左成晚，但無成身都係食物味~ 九點半後仲有勁抵 198/位，不過今次用唔到啦 石鍋，當然要食番個粥底先夠盡慶~蒸野前先將D排骨，南瓜同米放係底先~ 就眼見D排骨都好新鮮，色澤好靚~ 蒸南非鮑 HKD88/隻 今次除左平時有既蟲草花，仲有少見的雞油蒸~ 估唔到雞油蒸的味道比蟲草花仲要清，無蓋到鮑魚的鮮味~ 不過雞味就唔係好食到 鮑魚係超爽口彈牙唔痴牙~ 蒸海鮮必食~ 另一個又係至愛的聖子皇 (我真係好鐘意食貝殼類~XD) 大隻，無沙，夠鮮味，特別欣賞佢用金銀蒜蒸，比淨用鮮蒜更有味道~ 海鮮就蒸得多，但好似無試過蒸肉 呢個手切牛頸脊用黎蒸，開頭仲怕佢咁蒸會嚡，估唔到竟然好鮮嫩滑口，仲食到陣陣牛肉的香味 比起打邊爐仲能KEEP到原汁原味~ 今晚既主角~成隻手臂咁長的本地大斑馬瀨尿蝦 仲要係冰鎮凍食，真係第一次~ 雖然一隻要成4百幾，但已夠我地成圍人食啦~ 蝦入面有成半係膏，D膏好結實，唔腥，有D似魚子 肉質因為凍食，所以好爽，不過就少左熟食時個種肉味~ 黑松露墨魚滑配蘿蔔 個造型已殺哂，成枱女生見到個心型都冧左~ 不過師傳話係期間限定，唔係成日有架~HAHA 黑松露好香，配合個好結實彈牙的手打墨魚滑，唔使沾醬已夠好夠味 反而個蘿蔔底感覺有少少唔夠軟，如果將佢變成冬瓜，我覺得仲PERFECT~ 呢度除左海鮮外，佢既熟食都做得好出色~ 避風塘茄子粒，外脆內軟，雙重口感~ 南北杏燉豬肺湯，成碗牛奶咁香濃幼滑，勁足料~ 蝦干豆卜五花腩，腩肉炒得好爽脆，一D都唔覺肥膩，加埋蝦醬的咸香味，送飯真係一流~ 呢個咕嚕肉好特別，佢有一層好薄薄的脆皮包住，外皮鬆化，肉質嫩滑，加埋好可口的蕎頭同甜酸醬，又係可以食2碗大飯 師傳話呢個餸攞過奬架，唔怪得咁好味~ 終於個粥食得啦~ 好綿好香，雖然有排骨，但一D都唔覺膩, 而且D排骨熟到啱啱好離骨，又唔嚡，食埋啦~XD 明明之前已經食到好飽，但都忍唔住食哂成碗~ 今晚呢餐真係超滿足，無論海鮮同小菜都好對胃口 好欣賞佢每一樣海鮮都有唔同的醬料去蒸，食到唔同既味道，(好多餐廳全部都係蒜蓉蒸，成晚都得一隻味~@@) 後尾發現原來呢度仲有2人起既套餐，仲要由二百幾已有交易，真心覺得抵呀~ (淨係隻鮑魚都88啦) , 仲要九點半後有全單8折添~ 真係超級吸引呀~ 有蒸氣 海鮮石鍋專門店 Steam Seafood Hotpot Restaurant 尖沙咀天文臺圍5-9號寶軒酒店1樓 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ My Blog Link : The Ztyle Beauty Qooza She.com U Beauty Beautylife Blogspot BE We Share
