Shiseido 有新野出啦~ 講緊既係佢尼枝以尖端科技首創的 Synchro Skin Lasting Liquid Foundation 智能感應持久粉底 尋日我就率先去感受下呢枝擁有Synchro 智能感應的新產品~ 叫得智能咁HIGH TECH, 咁究竟係咩？ 簡單D講，呢款粉底識得自動因應你的膚質及肌膚狀態去幫你補水同調節油份 內含的2個成份可以令你個妝KEEP住成日： 微細貼服聚合物擊退油脂及汗水，由「控油粉末」吸收，讓你長時間保持粧容柔滑細緻。 光感調節粉末根據臉上油脂而調節反射理想光線，營造光感透亮或絲滑啞致的粧感。 粉底更加入革命性嶄新結構的粉末網絡，完美及均勻咁同你的皮膚融合 係咪有D抽象？做個實驗會清楚好多~ 左手邊係SHISEIDO 的智能感應持久粉底 右手邊係坊間其他牌子的粉底液 將佢地放落一個裝滿水的兜仔度，再搞幾下 你會見到SHISEIDO 的智能感應持久粉底已經完全同水融合左 但另一牌子就依然成舊係底無郁過~ 我地皮膚含水量好高，如果粉底唔能夠融合，即係永遠都停留係皮膚最上面， 我地平時成日化妝遇到的難題如粉面人，浮粉的係咁黎囉~ 智能感應持久粉底可以同水融合，即係都可以融合係肌膚，逹到貼服輕薄的效果 成個智能粉底有8個色 不過對於亞洲人 以下六個色已經好夠~ 顏色以 GOLDEN 2 / 3 /4 同NETURAL 2/3/4 黎分 上面個排就係GOLDEN 色，適合平時化自然妝 而下面的NEUTRAL色就偏粉嫩~適合較白人仕~ 好既野都要識得用，先會變得好用~ 美容師今日就教我地點樣去善用呢款智能粉~ 首先，搽粉底的位置很重要 最需要搽粉底的地方其實係近眼肚下同鼻旁邊呢D多瑕疵的位 所以美容師敎大家先將粉底放係紅色圈圈位~ 再以SHISEIDO 的粉底掃以點/印的方式將粉底搽開 Shiseido 利用嶄新光學技術，令粉底不是遮蓋肌膚瑕疵，而是透現素肌最真實的自然美。 以透明修飾聚合物演繹自然膚色的同時，撫平及修飾毛孔及粗糙肌膚表面，令肌膚散發自然健康肌色。 蘊合透明色素EX，保持素肌透亮光澤，不會令肌膚變得暗啞。 之後美容師改以掃的方式向面頰耳邊掃去，可以減少成個底妝的厚重感，仲可以有小顏的效果~ 當然，我地化妝都係想成個樣立體D~ 呢個時候就要加上Sheer Eye Zone Corrector 提亮補粧神筆 成個系列有六隻色，可因應自己的膚色揀出遮瑕，打亮的色號~ 美容師就用105號色幫MODEL遮瑕~ 將105的搽係眼下成3角形再將佢推開，不過個三角形唔好搽得太大，唔係就會拉闊左塊面架啦~ 將3角形掃開，可以遮去虎紋，黑眼圈，鼻翼的暗黑位 仲可以遮去眼尾的黑位，不過眼尾的位就要用好少好少，太多會出現眼紋架~ 105仲可以搽嘴角呢D位暗淡位同埋搽遮埋個嘴邊位，等之後再搽唇膏或者做花辨唇都得~~ 之後，就可以用101色做打亮提升的效果~ 將101搽係鼻位，下巴位，輕易就拉高左個鼻啦~ ~ 呢隻提亮補粧神筆的好處係液體狀，就算再搽完粉底再搽都唔會厚 仲可以拎出街補番溶左既妝添~ 之後，就到呢個淚溝神器出埸啦~ 呢隻叫PK107的Luminizing Satin Face Color 可以搽係眼底 利用光學折射原理馬上將淚溝隱藏~ 仲可以用大掃輕掃，做埋碎粉的效果~ 搽胭脂都有技巧架 我地落點要係面部最凸的地方，即係美容師手指的地方 再斜斜地向上，下掃 (如果向橫掃會拉闊塊面架) 搽完後再搽多層PK107，成個妝即刻變得好自然，好似天然白裏透紅的感覺~ 睇完咁精彩的示範，當然要即刻試下呢隻咁精彩的粉底啦~ 今日我都帶左佢返屋企 Golden 3號的色調，以自然為主~ 質感係超絲滑易推，一泵的份量已經可以搽哂成塊面 我就習慣用手搽粉，搽開後好貼服，而且透薄自然 搽完後其實只係感覺膚色均勻左，無很突兀的粉面 就算無加遮瑕，眼圈位都遮到八成啦~ 最鐘意佢的感質乾左後會變得啞緻清爽，就算咁潮濕的天氣唔加碎粉都得 咁樣唔單止慳左一重功夫，亦避去再搽粉的厚重感~ 搽完後真係超自然貼服，唔會變粉樣~ 今晚出街食飯，由四點幾開始化妝到十點回家 最開心係T字位無出油，無成面油光 二黎眉心位, 位翼位同眼紋位都無卡粉 毛孔位都無溶到一舊舊~ 以前，化妝俾大家的感覺就係傷皮膚啦，侵蝕皮膚，會令皮膚變黃~ 不過SHISEIDO 新一代的化妝品已經唔再係咁 呢款粉底含有金絲桃精華, 野生百里香精華，水分感應聚合物及甘油，可以抗氧化，預防肌膚粗糙，高度補濕內， 更有SPF 20，作為日間面部的保護罩，為面部的脆弱皮膚提供多一層的保護~ 所以用之前，記得要搖勻先用好呀~ 我已經一用愛上了 真心推介呢款智能粉底呀~ Fan page : https://www.facebook.com/SHISEIDOHK 是次產品由theZtyle.com提供 如要聯絡本人，請電郵至： smonkichi@hotmail.com Fanpge : www.facebook.com/smonkich Instagram : https://instagram.com/smonkichi/ My Blog Link : The Ztyle Beauty Qooza She.com U Beauty Beautylife Blogspot BE We Share
