早前到左中環既suavis Lash Bar 參觀完整個植睫毛過程 見到MODEL 變得靚靚咁走，我都好心動 回顧文：http://smonkichi.blogspot.hk/2014/11/blog-post_10.html 今日, 我都要黎試一試呢個變靚的魔法~ 換過拖鞋，就舒服咁瞓係度變靚啦~ 首先美容顧問先同我傾下計，睇下我想整Ｄ咩款既植毛 同埋同我檢查下我本身既睫毛適唔適合～ （例如本身睫毛太幼，就唔可以植Ｄ太粗既睫毛啦～） 同埋， 要植幾多條都係考慮既因素黎架～ 經過一番商議後，就得出左我今日要植既款式～ 係CUTE + SEXY 款，每邊植50條 弘度係C 長度係8-11 (因為眼頭同眼尾植既長度會有D唔同架) 植毛粗度 0,18 未試過，真係唔知原來植條毛仔都咁多野要考慮。 美容技師首先會幫我貼上膠紙 呢個樣都幾趣怪~XD 之後就開始一根根咁植啦~ (詳情睇番回顧文啦) 今日我就揀左以下的款式～ 佢地每次都會記低客人植過Ｄ咩款既睫毛，方便下色去修補或者再修改 過程中完全係舒服到瞓著 無刺痛，無感覺，無那眼~ 總之係你不知不覺間就植好哂成排眼睫毛啦~ 植完毛後係咪靚左好多先~XD 合埋眼真係見到成排扇咁~ 睇番個比較先~ 左手邊未植時隻眼好無神~ 植完後即刻成個隻BLING BLING 哂 係側面睇到明顯係翹左，同長左好多~ 但一D 負擔都無，完全唔會好似戴左假睫毛咁重疊疊~ 黎多一張比較下，係咪植前同植後成個感覺唔同哂～ＸＤ 最好係一D都唔突兀, 就好似自己既眼睫毛一樣~ 唔講，你都唔知我植左睫毛啦~XD 好多SIS 都關心植完後既打理問題~ 開頭我都好擔心 不過植左後就覺得無乜野 因為佢實在太無物啦, 有時都唔記得自己植左睫毛~ :P 不過嘛，當然唔好用手捽眼啦~ 平時缷妝要用一D 水性既缷妝水，唔好用油性, 以免將膠水都溶左~ 當然，化妝時都唔使再搽MASCARA 啦, 因為已經好靚啦~ 最麻煩既, 就係洗面時有水入眼唔可以好似以前咁捽開D水 要慢慢用紙巾印干。 基本上，對於平時既生活真係無乜影響。 每次洗完臉後，D假睫毛都會痴埋 (其實真個D都會架) 呢個時候，只要我地用把專用既梳仔 梳一梳 睫毛話咁易就還完番啦 一樣咁卷曲，一樣咁分明。 當然，植上去既假毛始於會甩～ 呢條係第3日甩出黎既第一條假睫毛。 其實都正常既, 因為我地平時D睫毛都會隨時間而脫落再生，同頭髮一野 係新陳代謝既一種黎~ 我地見到甩出黎短個條係本身自己既眼睫毛，長個條當然就係植上去架 可以見到SUAVIS 用既膠水真係幾堅。 兩條毛緊緊咁痴住，完全唔會分家架~ 大家呢個時候又會擔心 植左眼睫毛會唔會唔方便？ 以我個人黎講就無乜特別影響 唯一係洗面時要小心D就一就 同埋唔可以好似以前咁一野抺干隻眼 要用紙巾慢慢去印干眼部既水份 但其餘時間，真係唔覺有咩影響 因為本身唔會似痴睫毛咁有重量。所以有時都唔記得已經植左~XD 而且以我植既長度，戴眼鏡都無問題，唔會頂眼鏡。 當然，比平時更加方便就係化妝啦~ 只要底妝加簡單一條眼線就搞掂啦~ 唔使/唔好再用MASCARA 啦 記得唔好用 油性既卸妝水啦，會洗甩D 膠水架 用水性卸妝水就無問題啦 就算唔化妝, 個人都平時精神好多呀~ 至於保養方面，其實SUAVIS 有建議我地可以搽番D 睫毛既營養液。 真睫毛健康D，無咁易甩，即係 植個D睫毛都可以KEEP 得耐D啦~ 植後3個星期既效果 可能我本身既睫毛都算健康, 所以 成個型都仲KEEP 得好好 無話崩左一忽或者好亂，打哂交咁~ (其實，我已經無咩特別打理佢架啦~XD) 我估起碼可以KEEP到5個星期呀~ 最近朋友聚會，大家見到我植左睫毛都大讚自然同好靚 真係好開心 少少技巧就可以令到自己靚Ｄ，何樂而不為～ 多謝SUAVIS LASH BAR 及囍結 TIE-THE-KNOTS.COM 的邀請 SUVAIS LASH BAR https://www.facebook.com/Suavislash 囍結 TIE-THE-KNOTS http://www.tietheknots.hk/ https://www.facebook.com/tietheknots.hk 如要聯絡本人，請電郵至：smonkichi@hotmail.com My Blog Link : The Ztyle Beauty Qooza She.com U Beauty Blogspot Beauty Exchange
