Maybelline 的MASCARA 一直都係開架中的皇牌~ 價錢相宜，品質可以。學生哥或新學化妝人仕，通常都會入手黎玩下 佢既MASCARA 都有好多選擇，今次就揀左呢款黎試下~ VOLUM’ EXPRESS False Lash Everlasting 24 瞬盈睫毛液 ─ 黑羽扇超凡持久睫毛液 呢款產品的賣點如下： 全天候終極防水、防油、防脫落 多效鎖存技術，二十四小時防水防汗防油 眼頭至眼尾，睫毛增量200% 全方位彈性掃頭 官網其實都係得黑色，所以點解會有編號01色？ 不過黑色是大家最常用既顏色，所以可以不理啦~XD 產品以紫色+黑色的設計，係我好鐘意既配搭。女人得黎又有型格 但又唔會好GIRLISH~ 字型同圖案都係走歐美型格路線~ 而且我好鐘意佢肥肥地既樽身設計，幾好揸手。 刷頭是營造豐盈效果的粗大刷頭 而且刷頭呈微彎型設計，配合眼型~ 再加上一個全方位彈性掃頭, 搽睫毛時可以更得心應手 之前有講過產品係01的黑色，佢既色澤都幾深，出色效果幾好~ 輕輕掃上兩層的效果 睫毛根根分明，唔會痴埋一舊，亦都無曱甴腳既情況出現~成隻眼都精靈左。 效果以自然為主，適合淡妝或平日返工時用。 但佢講既200倍豐盈效果就似乎差D啦~ 濃密效果稍遜。 不過佢既全天候功能就堅係得~ 經過左一日既辛勞，放工回家後眼睫毛依然堅挺分明 亦都無溶，無甩，無下垂，同朝早出街時係一樣樣架~ 24小時EVERLASTING ，果然名符其實。 不過亦都因為佢既防水能力超強， 所以用卸妝水去卸，係完全卸唔到架~ 搽左幾下都係得少少色。 呢D 持久性咁強的睫毛液一定要用半油半水，或油性既卸妝油先可以卸得甩架 各位SIS, 用完後記得要用番相應既卸妝產品呀~ 想知多D，可以瀏覽以下的網站 http://www.maybelline.com.hk/ https://www.facebook.com/maybellinehongkong 以上產品由 style-wish.com 提供 如要聯絡本人，請電郵至： smonkichi@hotmail.com My Blog Link : The Ztyle Beauty Qooza She.com U Beauty Beautylife Blogspot BE
