3 Conccept Eyes. 一個最近在彩妝界好流行的品牌~ 可惜一直都未有機會試用~ 早前啱自己入手左隻黑色, 咁啱又留意到www.CosmeGo.com 有很多3CE 的產品~ 顏色多，價錢又平~ https://www.facebook.com/CosmeWorldGO 仲諗住入手多幾隻色~ 點知已收到PR寄來的2種色,世事真係神奇呀~ 一係就無, ,一係就多到打孖黎`XD 呢3隻係單色的眼影~每隻色除左有個型格既黑色盒外~ 內裏都貼上了安全封條，唔怕用舊貨~ 第一隻試既色好閃令令， 淡淡既閃粉紅~叫 SPARKING 名叫 SPARKING, 顧名思義即係閃閃令~ 可以作為光影粉用~ 亦可以作為最後既眼影, 輕輕掃上一層做highlight 用係眉骨位, 鼻樑位等做highlight 都OK ~ 或者好似全智賢咁掃係鎖骨位都一樣都咁正架~HAHA 今次我就用佢黎做眼底色~ 用手指畫係眼窩位 顏色同係盒度差唔多，只係淡淡既淺粉紅, 不過, 好SHINE~ (相機會食色同食閃~ ><) 第二隻色係偏橙紅色~ 名叫 STAR SEED , 屬於暖色系, 我都幾鐘意呢D橙橙紅紅色, 感覺型格D ~ 搽上手既色比係盒度淺少許，無咁SHARP, 但閃度都係爆燈的~ 今次我會將佢搽係雙眼線位~, 可能有左SPARKING 既打底, 上眼後既色比搽係手 較顯色呀~ 所以, 搽眼影記得要打底呀~ 最後, 到我既ROCK STAR 出場~ 佢係黑色中帶閃粉的~ 其實呢盒ROCK STAR, 我係用黎..........做眼線的~ 所以, 你都見好快已有凹位 啦~XD (真係次次搽眼影都要用佢, 出場度極高~ 因為黑色, 所以 出色好勁架, 搽少少已經好現~ 搽眼影呢, 當然又要用我既法寶, 眼線掃~ 真係無左佢唔得架~ >< 只要係眼線位搽上一條眼線, 又快又方便~! 唔單止連 睫毛間既窿窿都極速填哂, 而且仲可以BLEND 開少少, 令眼妝更自然~ 係咪快捷又方便呢~ 其實, 化妝品都會因應我地既膚色, 膚質而每人略有不同~ 睇下我試係手臂上既眼影, 明顯 顯色度高好多~ 因為手內側既皮膚較手背白呀~ 估唔到, 3CE 既眼影防水度都唔錯~ 係水喉狂沖下, 都仲KEEP到唔會溶到一PAT 野咁~ 而且清洗都好易，用D 泡泡潔面一抹已經可以KO 哂佢啦~ 不過, 唔知係咪我係用掃白痴~ 用手搽上去既眼影顏色較實, 亦都較出色~ 反之, 用掃既色就鬆散D, 同埋淺色D ~ 如果想要自然效果, 可以用掃, 如果想D色顯D, 就要用手指啦~ 同埋, 因為D眼影好多閃粉, 所以難免係上粉時都要有飛粉既現象 所以上眼影時記得要用紙巾遮一遮呀~ 3CE 的眼影果然名不虛傳 唔單止色多, 色靚~ 而且上色都好易~(用手就得啦~HAHA) 睇黎, 遲D我既化妝箱會越多越多色啦~ 不過, 其實鐘意咪買囉~ 因為依家係COSMEGO.COM, 所有 3CE 都有八折 計番都係62蚊一個色, 買多多都無有怕~HAHA 買得多，仲有機會攞到一SET 六件既3CE 產品架~ http://www.cosmego.com/news/3ce-cosmetics-promotion/ 唔想買，不如去參加COSMO.GO 既3CE GIVEAWAY 啦~ 由7月1日到30日, 只要自拍一張你同最鐘意既3CE 產品放係COSMO GO 既FACEBOOK 就有機會攞到300蚊CASH COUPON 買3CE 既產品啦~ http://www.cosmego.com/news/3ce-cosmetics-facebook-giveaway/ 快D 去COSMO.GO 入手啦~ 以上產品由COSMO.GO 提供~ 如要聯絡本人，請電郵至： smonkichi@hotmail.com Blog Link :The Ztyle Beauty Qooza She.com U Beauty Beautylife Blogspot BE
