平時好少開火煮食的我，今日卻參加由Jessica X Fibresure舉辦的煮食比賽!!!! 雖然少煮, 但我好愛食，亦好有興趣研究下食材同營養，你知啦，平時坐多，又食無定時，腸胃有少少問題，原來纖維不足呀，咁樣會另到下身好易肥胖，好多女性都有呢個問題架! 由而家開始，快快注重下飲食營養，腸遁暢通，身體唔再積存垃圾，人都靚D啦~ 咁點先可以食得有營D呢？除左食菜同生果有纖維，大家可以試下美達施Fibresure，方法好簡單，只要加入清水或者飲品同食物，就可以輕鬆得到高纖喇~ 其實Fibresure 係100%天然菊糖纖維製造，天然無添加！不含脂肪、麩質和添加糖份。呢道有少少關於菊糖纖維 Inulin資料﹕ (菊糖)由菊苣根部所萃取出來，因此也常被為菊苣纖維屬於水溶性纖維類別。 由於菊糖不會在胃或小腸被分解或消化，因此可以完整進入大腸並選擇性地刺激某些益菌，(如：雙歧桿菌 – Bifidobacteria)的生長，從而促進腸道健康﹗ 較早前已收到一支Fibresure，我就試左用Fibresure加入去唔同食材入面(如Yogurt、salad)，其實本身佢無味(少少甜味), 所以我將要用糖的份量都改用Fibresure喇，出黎效果唔錯喎! 少甜之餘，又補番D 纖維! 睇下當日盛況先啦! 喺當日活動，大家會用Fibresure煮一D菜式，主題係"夏日輕食"，之後同15隊bloggers分享，我見其他 Bloggers整蛋卷、健康沙津、生菜包、七彩冷面......個個都好有水準呀，好睇又好食!! Smaller亦同小姿一齊參加今次活動! 呢個就係我地的參選作品，叫夏日三文魚他他，有3層材料 - 三文魚、牛油果同茄番，為配合夏日輕食主題，菜式係唔洗用明火煮架，只須切碎材料，再加入調味同Fibresure，出黎效果好好味同colourful呢! 我覺得呢個小食好啱開Party食呢﹗大家有興趣可以試下，好方便! 呢度分享下個做法啦: 蕃茄陳醋沙律 1) 蕃茄仔洗乾淨, 然後切細粒 (如果沒有蕃茄仔, 可以用普通蕃茄代替) 2) 加入1湯匙陳醋, 橄欖油半湯匙橄欖油, 少計意大利香草, 少計糖, 撈混之後可以試一試味道 (試一試酸度是否合心意), 完成後放入雪櫃備用. 牛油果沙律 1) 牛油果切細粒 2) 加入1茶匙檸檬汁, 蛋黃醬2湯匙及少計黑胡椒, 同樣撈混之後可以試一試味道 , 完成後放入雪櫃備用. 三文魚他他 1) 三文魚切細粒 2) 加入1湯匙檸檬汁及少計意大利香草及少計黑胡椒, 撈混之後放入雪櫃備用. 最後準備一個圓型模, 放在碟上, 首先最底層鋪上1/3(圓型模高度)蕃茄陳醋沙律, 之後鋪上1/3牛油果沙律, 最後頂層鋪上三文魚他他, 用匙羹輕輕壓下, 以便固定形狀, 之後慢慢取走圓型模便成. 當日真係玩得好開心，又有營養師同食物創型師的講解同示範，真係對飲食又上左一堂呀! 點擊圖片放大 (呢個就係食物造師Shadow示範比大家的三文魚沙津，特別教左我地沙津油除左用醋，仲可以用果汁黎整架! 個賣相亦好靚呀!) 最最最令我意相不到係.......我地居然拎左個"美味獎"!!!!!! 我地真係好有Heart去整架! 多謝各位投票比我地呀!! 特別多謝Jessica同Fibresure!!!
