澳門有好多美景, 仲有博物館,古廟, 係一個好適合渡假遊玩同增進見識既好地方! 澳門亦有好多唔同特色, 唔同賣點既酒店, 我自己就好中意大海, 所以上次澳門行就選取左近海既酒店, 萊斯酒店, 係漁人碼頭入面, 好近港澳碼頭, 好方便, 仲有, 晚上可以走上露台,吹吹海風, 靜靜遠眺寧靜既醉人景色, 平靜大海加上友誼大橋(澳氹大橋), 美景盡入眼簾, 早上遊玩時既疲勞盡消, 感覺綺麗, 令人心景豁然開朗! 睇下我住既酒店幾靚^^ 呢間酒店真係有露台, 對面係科學館, 對海好浪漫呀, 所以呢間酒店平時成日都會有COUPLE去影結婚相嫁 另一面對住友誼大橋, 一望無盡, 好靚呀, 令人心情都好D 呢張係日景, 又另有一番風味, 夜景俾人浪漫既感覺, 早上就俾人平靜之感, 有遠離煩囂既感覺~ 講下房既裝潢, 好大, 好靚架, 好似八十年代外國貴族既裝潢咁, 張床好大好軟, 不過我整到好亂, 無影低, 呢張就係床隔離既SOFA, 好舒服嫁, 坐係度嘆電視一流呀 呢個浴缸好古典, 浸個泡泡浴, 超RELAX, 酒店仲包埋浴鹽, 真係好貼心 呢個電視櫃都好古色古香, 同房間既裝潢好配襯 平時去澳門多去食食食, 其實有好多其他地方都好值得參觀, 好似通訊博物館係個好去處, 令人了解更多古時通訊方法外, 又多小玩意玩, 好似模擬駕飛機好刺激,仲有自製郵票, 明信片! 好好玩! 由松山公園走到博物館, 途經海滂,公園, 空氣清新, 遠離繁囂, 令人心情RELAX! 呢個就係通訊博物館門口, 不過其實都難去, 問松山公園D看更都唔識, 所以有地圖就最穩陣 呢D就係我既製成品, 有自製郵票(左上角), 仲有自製明信片, 明信片前面就係我個樣黎, 獨一無二嫁^^ 呢部就係影相機, 可以自己較角度, 較背景, 影完就可以整到獨一無二既明信片嫁啦 呢個就係模擬機艙, 可以試下控制飛機, 好難玩嫁
