至從去完東京食過bills 之後，成日都心掛掛想去食多次！近排香港都興起左食pancake。思bills 心切ge 爆肚，即刻搵埋朋友喊包一齊去搵食！ 今次target左間位於K11 ge "PAN de PAIN Pancakes & Sweets" ，貪佢乜？貪佢夠多人等！係爆肚心中，等ge人數就等如好食ge指標！難以否認，爆肚就係一個咁膚淺ge 人。 一去到K11，已經見到人龍！"PAN de PAIN Pancakes & Sweets" 好細心寫明最少等30分鐘。唉，為左食，爆肚究竟可以犧牲到咩程度？等左45分鐘，終於入得去食！一坐底就拿拿聲叫左個soufflé pancake ，而喊包就叫左個Caramel pancake! (開頭堅想叫喊包一齊叫soufflé，話晒佢先係主打) 侍應哥哥一開波就好有禮貌咁提左Soufflé 要等30分鐘左右，都等左45分鐘，唔爭在啦！好快喊包ge caramel pancake 就送到！ pancake 表面 有一層caramel包住，而重點係，個外層係脆ge! 講堅，好有驚喜！爆肚開頭以小人之心，諗住佢會事旦淋醬上去就算！個pancake 本身唔算勁好食，味道同口感同一般pancake 無分別。但個caramel 脆脆外層，就真係加分不少。 終於主角上場，表面滑不留手，令爆肚期待指數爆燈！一切開，hmm... 好似半熟蛋糕咁囉。再食一啖，都係好似半熟蛋糕咁囉。可能大家會話，人地講到明soufflé pancake，爆肚你仲想要咩？唔好意思，只可以話佢同爆肚所想ge有段距離。一開始就係因為思bills 心切而去食，超級掛住0個種又鬆又軟又奶粉味勁重ge pancake！係香港，難道真係食唔到？sad! 建議搵食人數： 2（太多人ge話唔知要等幾多個45分鐘） 爆肚指數：hea 爆 總括而言，caramel pancake 有d爆，主打soufflé 失望爆，會再等多次45分鐘ge可能性少到爆。若果唔駛等ge話去食caramel pancake 幾唔錯到爆！BTW爆肚偷聽到隔黎檯兩位美少女話個士多啤梨pancake 酸到一個點，而且pancake個味道同一般分別唔大。搵食ge 朋友要謹記，要等45分鐘，千萬要小心揀咩野黎食！免得失望而回！
