2018-01~DAY3~Saariselka住玻璃屋篇~芬蘭跨年追尋北極光10天の旅

瀏覽人數:5219
發佈於 2018.03.16
‧2018.01.01 (MON)‧
DAY3~ Saariselka住玻璃屋篇
芬蘭跨年追尋北極光10天の旅
* * * * * * * * * * * * * * *
 食:
早餐: 自助餐@Cumulus Resort Pohjanhovi酒店內(包餐)
午餐: Restaurant@Kakslauttanen Arctic Resort (West Village)
晚餐:  Restaurant@Kakslauttanen Arctic Resort (East Village)包餐
宵夜: Phoebe帶嘅杯麵 
* * * * * * * * * * * * * * *
 景點:
途中經過一間Cafe
Kakslauttanen Arctic Resort玻璃屋 
* * * * * * * * * * * * * * *
 住宿:
* * * * * * * * * * * * * * *
早吖!!!!
起身食個靚早餐啦!! 7:50度落到樓下
今日有酒店自助餐食吖!好爽! 
有CEREAL, 有麵包布甸~ 好多包類選擇

仲有生果呢~ 話時話好似黎度都冇食生果咁滯, 食啲先, 補充纖維
團友都夾吓沙律先~
牛角包, I LIKE IT!
仲有雞蛋, 佢放得好攪笑, 唔知以為係生蛋, 原來係boiled egg 7 min, 寫明7分鐘
有好幾款茶包揀! 今日揀strawberry tea先!
my breakfast!! 要一提黃色嘅果jam係叫做雲莓醬 ( Lakkahillo) ,黎到芬蘭一定要試,

好好味, 酸酸甜甜咁

YEAH! 我地都好享受我哋嘅早餐時間

 食左一個鐘度, 我地返上房, 執行李啦~!!!因為又要出發啦!

間酒店嘅key card
呢間酒店其實都不錯, 個景又開揚!
經過一晚後, 我哋架車都舖咗少少雪喺車頂。
好啦, 又要執嘢....點解又要執一袋仔出黎, 因為...................

今晚我哋去住玻璃屋吖, 屋內冇浴室, 又費時抬喼,
索性執定一袋HAND CARRY入去住, 輕便啲。

好啦, 9:30出發啦!! 去我哋今日嘅唯一目的地!! 

就係今晚我地被譽為「人一世, 物一世」, 點都要住一次嘅玻璃屋啦!!!
即係 Kakslauttanen Arctic Resort啦。

楂頭轉嘅係阿基, 由Rovaniemi去到叫Saariselka嘅地方, 要去到Resort,
沿途都係一樣咁嘅路景。

大約車程2個鐘頭47分鐘,預我地小心楂, 都大約3個鐘啦!
  11:15度, 頭輪司機都楂左快2個鐘, 歇一歇, 睇吓個油站有冇野食先~好似啲嘢唔係太啱食......所以....廁所時間!

好啦, 我地繼續去啦~! 呢次換第二輪司機上場。

其實芬蘭北上, 都不外乎係行 E75  呢一條大公路架啦! 不過芬蘭好大,
所以一路去, 見嘅車都唔係好多

影完相又返番上車啦~ 都有啲凍!

好啦, 之前上網睇過, 沿途有咩餐廳啦, 諗住去呢間, 點知.....冇開嘅...?!?!?!?!
不過個景超靚喎~!!

眼見佢個正門樓梯都俾雪封晒, 根本冇辦法行到去, 唯有去側門裝一裝!
冇人..........
其實同時間都有另一架車人黎呢度, 都係摸門釘!

你睇, 啲雪厚到我唔見左半隻腳啦~!!!

所以我地又玩一輪,跳跳相囉!

選擇題: 以下有四張相, 邊張最正???

1)大家真係跳得好高吓喎, 不過面容就....唔知有冇扭曲啦~!我相機都飛起呢~

2) 前右嗰位, 你呢張無面見人的確...明晒!!!!
3) 呢張又如何呢?? 大家更自由奔放! 頭髮都飛起來了!! 仲有冇氣力跳架?!?!?!

小心大家跌野喺雪中.....HAHAHA 真係堅難搵架!!!

4) 突然間呢張覺得好「女團」FEEL, BUT ....... 有位係女團男生, HAHAH!
好啦,玩完啦, 我地再楂多45分鐘度, 13:30, 見到入口個牌仔, 就知終於到啦! 

  隔離就係RESTAURANT, 就係今晚晚餐嘅地方!

不過宜家仲未係CHECKIN時間, 未有得攞房住!
仲問埋佢地去西村, 可以點去??
呢度有啲毛公仔souvenir, 有husky, 有santa claus, 有reindeer
不過husky個樣....有啲唔靚囉~

好啦, 係時候去西面村睇吓有咩食???

喺度(B)楂返出大路, 一條直路轉入(A), 再沿路駛入就到。宜家大約13:55度

但.....................突發事情發.....生......了...... 

哎吔..............就咁啦~~~~!!!
大感無奈............

好彩有位當地好心人, 落車望左我地, 睇吓有咩幫到我哋手~  我地喺路邊都唔知點算......因為實在唔知可以點做.....因為都唔夠力推到架車........  未有救兵時....唯有咩都試吓啦~!!

車吖車, 你咁肚餓吖~~~~
第二位大隻救兵路過, 又好盡力幫我地...............

  佢特登楂車入RESORT攞條繩......試吓拉我地架車, 睇吓WORK唔WORK?!?!?
結果繩都甩埋~

慢慢地, 又有第三第四位大隻救兵來了!!

喺啲activities centre嗰啲人, 見佢件衫係uniform....寫住huskyXXX
於是救兵們再加我地5個, 就一齊推車啦,
當然我覺得自己都幫唔到啲乜, 感覺都唔係自己出力推~

最後幾經辛苦, 終於終於.......架車......逃出生天了!!!!
下次真係要留意呢個咁「大」嘅牌啦~!!!
攪左20分鐘, 終於去到西村間餐廳啦, 睇吓仲有咩食, 畢竟都14:30,

佢地好似話呢度係食buffet, 不過話我地可以照叫兒童餐啦, 到15:00就冇架啦!

好啦, 就咁啦! 大家都攰啦! HAHA
得兒童餐, SALMON(€10) OR STEAK(€12)
好啦! 開餐啦!!

茶水任裝!

哈哈! 呢個玻璃屋同真嘅一樣,果然都貴過人!!! 食左1個鐘度, 15:30, 天都黑啦~!!! 
喺附近行吓, 發覺都幾遠吓, 仲要行斜坡....算啦, 影相算!
呢度好似叫celebration house
差唔多時間,可以返去CHECKIN攞房啦~!!! 所以回程, 返番東村。
16:00 NOW, 我地用啲Sleigh搬啲行李去玻璃屋啦~ 大行李就放車啦!!
大家一時玩, 一時推, 話咁快, HAHA都唔係快啦, 都要10-15分鐘。
YEAH! 我地住嘅玻璃屋吖!!! 搵到啦~!
一入門口, 右手邊係廁所, 左面係放嘢嘅地方。
果然前面有啲樹, 影相好似都靚啲喎~!!

今日極光指數係KP5, 但雲層覆蓋係幾乎100%, 唔知今晚可唔可以瞓住睇到極光呢???
非常期待中.....................!!!!!

我地6個啱啱住一排3個玻璃屋! 宜家未到食飯時間, 於是喺度狂影相!
個天....都係一層好厚嘅雲..........
同玻璃屋合照吓啦, 冇乜幾可!
大合照啦~~~ 同大家形容吓當時條路就係....

3, 4個腳架幢喺度, 影影影

呢度都幾凍吖, 真係要FULL GEAR, 今日呢度好似又凍左啲, 大約-5,6度。

喺屋外影完, 又入返屋內影吓先!!!
試吓用GOPRO 影,果真幾靚, WIDE啲係唔同啲!

HAHA, 我都影吓啲代表作先!!!
我地18:45行去入口處附近, 去餐廳度用膳啦~!
今晚唔知會食乜...因為冇餐牌~ 嘩,呢個室內真係焗到爆, 喺門口會有一排俾你地掛褸

同埋禦寒衣物, 但冇理由喺度除雪褲架嘛~ 所以熱左成晚

先黎一份薄餅同麥包~搽牛油都唔錯。

  呢個好似係南瓜湯~
叫左支白酒
開餐囉!! 有雞同牛選擇
牛扒配薯蓉
同雞扒
最後黎個心太軟, 好飽呢~!!
我地食吓, 傾吓偈, 差唔多渡過左個半鐘度, 20:30。
我地回玻璃屋, 免費提供攝影服務, 免費提供埋場地!!  為團友們都影吓啲代表作。
其實拍攝過程, 超級攪笑.......因為相機要曝光, 所以大家都要好似木頭人咁
閉氣咁....先影到1張, 大家影完嗰吓, 都呼一大口氣出黎, 超FUNNY!!! 見到個心心, 睇到都覺得好SWEET囉!
好啦, 22:30 打烊一陣!! 因為房冇浴室, 原本都諗住懶, 唔沖涼。最後都係揀去沖啦!

個PUBLIC SAUNA喺玻璃屋不遠處, 行去約5分鐘度啦, 各有男女SAUNA
一入去, 啲暖氣暖到, 我以為呢度就已經係SAUNA房, 原來唔係, 係用黎俾你地掛衫!!

呢邊就係沖涼嘅地方,好闊落, 仲要係冇人沖, 包場是也, 太爽了!

SAUNA房冇影到, 就喺相嘅左手邊一個門口入就係

23:00 沖完涼啦! 打道回府!
沿路過橋, 返番去玻璃屋!
呢度一整片都係舖滿雪, 都分不清本身係湖面定平路咁滯。
貪得意走入啲雪度, 睇吓有幾深~~ HAHA 有雪鞋雪褲的任性!!!
我哋東村, 有幾排玻璃屋, 我哋喺第二排, 對上好似仲有1定2排。
奇妙嘅事情發生了!!....我同Jacklin行行吓,發現地下有舊黑色嘢, 
我八卦一望, 係一部手機呢!!!! 邊個咁唔小心?!?!?! 
我開一開, 見到係中文字, 咁應該係遊客, 但....都真係唔知可以點??!?!?
於是...我地上左高一排, 裝吓玻璃屋內有冇人好似搵緊嘢咁....
又唔覺喎....於是唯有我地暫時KEEP起, 亦EMAIL左RESORT講聲, 
明天會過去放低, 等人認領。
事情發展.....因為我不在場....所以.....
剩係知..遇到了物主,並互相認識了!
我哋喺屋外傾左一陣間, 亦高興喺旅程當中,認識了新朋友!
好啦, 返入屋了! 當時0:00點鐘度,  一直喺度影相, 同等北極光

大家都唔敢瞓住.....亦好似冇乜睡意咁~
呢張係我瞓喺床度影出去嘅 ANGLE, 好正!

仲有, 張床係可以升高架!! 我地形容為好似療養院啲床咁...HAHAHA

同房嘅朋友係「院友」, 超攪笑!

原本兩張床係分開嘅, 我哋最後將佢拍埋一齊, 好似影相又靚啲喎!

找亮點....有狗在偷窺....是PET PET CUSHION啦!玻璃屋啲門口, 好似哈比人屋 HAHA! 我又走出去玩啦~
個天突然變白天??? NONONO, 只係相機SETTING唔同~ 黑夜變白天
你睇個天!!! 乜都冇!!!!!!! 雲吖雲, PLS. LEAVE
現在時間是凌晨2:00囉!!! 又係相機SETTING
其實個天係咁黑至真~~我又諗住睇吓啲雪有幾深啦~ 點知企唔穩......HAHA
我地玩到2:30, 又返入屋啦, 你睇....腳架三兄弟!
我哋坐喺門邊等乜???
煮杯麵是也!!!!   我哋都覺得有啲肚餓了....好彩Phoebe有帶杯麵喺身, 開餐囉! 
一直都冇北極光嘅出現...........但我哋喺屋裏狂影相.......

因為個景實在太靚!就算冇北極光, 都好靚!

於是我地影吓影
狂試唔同POSE
玩到差唔多4:00, 撻落床, 較高佢, 瞓喺度都望到整片天嘅角度~

不消一會, 我太眼瞓了.........玩玩吓手機, 瞓著了!!!

是晚.....沒有......看見北極光, 失望!!!

明天係要7:00起身呢~!!!!!!
得返幾粒鐘瞓咋...... (如果用返香港時間, 我已經叫做通頂了~!!!!)

明天會去邊?? 下篇話你知!
想重溫DAY2~Rovaniemi見聖誕老人篇, CLICK HERE
 
*本站之內容由作者所提供,並不代表本站的立場。因此本站對所有博客的立場、真實性、準確性及完整性不負任何法律責任。

相關話題

收藏此文章
  • Facebook分享
  • WhatsApp分享
  • Line分享
  • 複製連結

發表評論

{{commentText.length}}個字
全部評論 {{comments.length}}

作者最新文章

更多旅遊文章推薦