上個月難得有日放假就去左澳門一天遊=) 由於大三巴, 官也街已經去得太多次, 今次就揀左去松山睇下~ 轉左2程車, 搵左好耐,終於到左松山既二龍喉公園~ 公園個門口好窄, 不過裡面就好大~ 可能因為係遠離巿區既緣故, 空氣特別清新, 環境特別清幽, 同香港維園既喧鬧截然不同。聽講公園裡面仲有一個動物園, 但係因為想去多D景點, 就冇去睇~ 公園既另一特色係全世界最短的纜車, 連之前<<千其百趣>>都有介紹過咖~ 個纜車站好少人, 纜車唔多 來回都係 MOP$3 咋, 勁抵 橙色張車票好sharp好靚, 完全值回票價XDXD 車程真係好近, 响一邊完望到另一邊, 搭左2分鐘到就到左山頂, hehe=p 山頂風景好靚, 四圍都係花草樹木 鳥語花香, 空氣比香港既太平山清新好多~完全有一種脫離繁囂既感覺~ 居高臨下, 由山頂望落山, 成個澳門既景色一目了然, 山頂既清幽同山下既商業區形成巨大既對比~ 行下行下就到左東望洋燈塔喇~ 原來燈塔是炮台的一部分,係世界文化遺產黎咖 東望洋燈塔個建築真係好特別, 好有歐陸情懷~ 沿途都有人响度影結婚相, 勁sweet 燈塔個景同我同事响澳門影既結婚相係一樣咖, hehe=p 點擊圖片放大 周圍望下行下, 好就黃昏lu, 就趕去新葡京食自助餐~ 新葡京的自助山完全係我澳門之行最期待的景點=) 之前因為怕FULL BOOKING, 早响未出發之前的三個星期已經網上預訂左XD 終於入座LAR… 條野食BAR 真係長得好誇張~ 由頭要行成5分鐘到先行到尾>0< 熱葷都有好多, 試左鮑魚, 帶子, 天婦羅, 正~~ 魚生有三文魚同八爪魚~ 真係好新鮮, 好有三文魚香味 即灼游水大蝦, 好鮮甜, 推介 想試Macoron好耐, 估唔到居然自助山會有~ 仲有好多顏色唔同口味, 任君選擇~ 食多幾個都回本lu=) 雖然自助山內十分大, 但係都人山人海, 全場滿座, 度度都要排隊~ 兩個鐘嘅時間真係實在太短~ 但係總結就係, 300蚊都唔駛就可以食足一晚真係物超所值, 排下都抵, hehe=p
