十月中既時候 公司有平價海洋公園飛 於是我地相熟既同事都買左飛一齊去玩返餐 但由於我個人相當怕死 我係應承去買海洋公園既時候 已經一早講明我唔會玩任何機動遊戲同埋鬼屋 wakakakakaka 因此 年輕一輩已經決定離棄我 去搵d同年紀既玩返餐 我地老餅團為左就我 成日只係去過依個叮噹鬼屋 仲要係佢地不斷指住同隊既小朋友同我講5, 6歲都入得去 證明係唔驚既 我先肯入去 (係~呀~ 我係生人唔生膽呀, 唔得咩) 入到去果然不負所望 真係一D都唔驚 只係同佢D道具影下相 5分鐘就出返黎果隻 哈哈哈 雖然我極力同大家講 唔駛理我 佢地可以自己去玩下海盜船呀咁 不過大家都充滿義氣咁話唔會掉低我 所以我都好乖咁同佢地左玩左一千零一個機動遊戲 就係果個會濕身既船喇 (我唔記得叫咩名) 玩完船, 去過鬼屋 (叮噹果間都算架) 我地既活動就係去探下D精品店同埋睇下海洋生物咁樣 你睇 其實精品店都好好行架 依隻企鵝幾可愛~~ 行完企鵝館 KW 帶我地去冰極餐廳食飯 因為佢識人幫我地訂左位呀 Yeah~~ 唔駛排隊仲有65折 太幸福喇! 最開心係可以對住堆企鵝食呀 超可愛呀 點擊圖片放大 食物質素方面都唔錯架 依個凱撒沙律 $148 佢d麵飽係企鵝型架~好得意架 芝士焗薯條 $68 依樣野超穩陣 當然好味道啦 卡邦尼帶子意大利幼麵 $238 以海洋公園時既掠水程度 所有份量都俾我地預期中大 而且味道仲相當唔錯 帶子亦成粒魚蛋咁大呀! 最後依個pizza相當可愛呀 企鵝薄餅 $238 (咦, 佢d價錢全部都係8字尾既) 依個可愛薄餅睇得又好味 乙水小朋友或者女朋友都係一流之選呀 3個人食到超級無敵飽 65折後係$494.8 海洋公園黎講係超級抵 加上份量真係大到難以想像 其實依餐食6個人都係會飽呀 超抵食! 下次如果去海洋公園都會翻兜呀!
