今日我生日呀~~ Yeah~ 首先Happy Birthday to me~~~ 小A 今日帶左我去文華東方食自助餐 係第一次去果到呀~ 我地近年改變左策略 如果係香港既話 我地會Lunch食buffet然後夜晚食少少 嘻 因為會飽到夜晚 咁樣又平又開心呀~ 年紀大係咁架喇~ 好~~ 講返文華個自助餐先 價錢方面小A唔肯講~ 但味道方面真係唔錯 ******************************************************* 沙律Bar 有四款醬 好多麵飽仲有好多芝士 如果鐘意芝士既可能會好高興 小A 就食得好快樂喇 雖然buffet唔係好大 但大部份都啱食 佢d生蠔係咁既 幫你拆開埋縠 放落杯仔到 有兩款 一款有d 汁係裡面一款無 兩款都好美味 最重要係不斷refill 蟹腳都唔錯 不過舊年美高梅食果d好味d 已去縠凍蝦 都ok好味 刺身亦好開心咁樣成碟放出黎自己夾 三文魚同北寄貝都好ok 但甜蝦我就覺得麻麻 跟住係我既食量紀錄 依個其實係小A既 我無夾龍蝦 不過夾著既小A佢話唔識食 佢D壽司好好味道 而且選擇好多 熟食我覺得係不過不失 最後食左佢既雪糕~~~大量! 佢D雪糕筒係綠色既 但無乜味道 如果要一球可以要個筒 佢每球都係細細咁 所以可以食好多球 (wakakakakaka) 翻兜佢雪糕果時 前面排隊既幾個人應該係公司黎食飯 佢地全部人都係每隻味都要一球 所以我都照抄 哈哈 我自已覺得隻隻味道都唔錯呀 小A就唔欣賞 其實佢甜品都唔少架 而且仲好靚 不過我太飽喇 加上唔多好甜品 所以只係試左依杯Tiramisu 好好味道 最後發生左件好燶既事情 話說小A一早訂左位 而今日訂位係需要事前Fullpaid 既 一坐低既時候 waiter問我地飲咩 我要左杯橙汁小A要左熱檸茶 咁我地一直都有擔心要唔要收錢呢 咁係14:00 既時候Waiter 拎左張receipt黎俾小A 咁係佢之前俾錢既收據黎既 而14:15時又有Waiter 提我地14:30 buffet 就會完 咁我地搭五就諗住走 諗走小A係凍櫃補左2張相 依個時候有個Waiter 走埋黎話我地如果走可以埋埋單先 係小A話我地之前俾左錢既時候 有個女人拎左長單過黎話原來我地杯野飲要俾錢........... 2杯野飲要91蚊呀 小A俾左100佢之後 佢仲無找錢既打算..... 成件事變到我地好似想走數咁 實在太樣衰喇~~ 哈哈哈哈 下次唔會小心D架喇 食飽飽又燶完 我地行左去海傍望下個摩天輪 本來想坐架 但日頭坐又好似好無聊咁 都係下次先啦 個摩天輪既感覺好細 唔係好壯觀 跟住我地就搭船返屋企喇 本來想唱K 但唱K今日好貴 所以我地就小睡左一會 瞓醒小A唔舒服 唔知係咪Buffet 食得太多野呢 所以夜晚我地就買粥食 然後睇"不赦島" 好好睇呀~ 然後就留左係屋企打blog喇~~ 實在太乖喇 好耐無試過即日出blog喇~~ ***************************************************************** 最後2014年最後祝大家新年快樂~~ 身體健康
