曾在FB寫過「Cappuccino, no sugar please!」的小文章，講到女生因悶而拍拖。其實拖有必要「即離即拍」嗎？急切性在哪？就算明知眼前那個不是 right one 都要拍？尤其當你是20+歲、美麗又聰明的知性女生…… 我有一位女閨密F，樣靚聲甜兼純品，職業更位列「10大吸引異性職業」排名。我每次跟她逛街都發現很多男生對她投注目禮，魅力可想而知。條件如此優秀，名花有主並不出奇。你會想：那惜花之人質素想必「有返咁上下」吧！Nah! 他只是一個普通平凡的肥仔。Don't get me wrong，肥不是問題，但男生不運動不健身，20多歲就有30多歲的中年身形這就是問題，更關乎自我要求與紀律。撇除外觀，肥仔亦不是對她很好，背著她在 FB flirt女生，同朋友打牌玩失蹤等。由大學一齊到現在4年，沒幾個看好他們。然而，她仍跟他在一起，原因竟是「怕單身悶」。與其說她怕悶，倒不如說她不懂獨處。 獨處令你花時間真正和自己溝通，以一己快樂為先。具體點說，當你獨處，即不用跟別人瓜分專屬於你的 "Me Time"，你得以做喜歡做的事，煮野食、扮靚、閱讀，結果是你做了對自身有幫助的事。以我為例，單身一年多，加上一個人來澳，過去一年有一半時間都是一個人。就算這邊有朋友，我都堅持每日有適量 Me time。Me time 做甚麼？以前返工以外的時間都陪男友，現在的 Me time 則用來做運動，練人魚線馬甲線事業線甚麼都好。 假如你不知道/忘記了獨處的好處，這裡有10個供你參考：（為更傳神轉用口語） 1. 你唔使陪男友去烏煙瘴氣嘅 Bar 睇波 2. 你可以盡情搽你鍾意嘅唇膏出街而唔使擔心同男友 kiss 會整花個妝 3. 你買野唔使俾人話你又買野亂使錢 4. 你唔使去男友屋企食飯然後成餐飯要扮斯文，其實我收工已經好_累 5. 你唔使做任何人嘅心理醫生開解人，其實我自己都唔係過得好好 6. 你可以盡情自拍，高抄/S形扭腰/露齒笑/含蓄笑/懶型唔笑 7. 你可以專心做人生中好重要的事，例如整靚你本新買嘅2015 Little Twin Stars Schedule 8. 你可以好大聲打噴嚏而唔使擔心會影響你喺男友心目中嘅形象 9. 你因為唔使聽到男友嘅鼻鼾而訓得好，其實我好「醒訓」，你咁樣郁黎郁去我點訓 10. 你可以獨食成個甜品，其實我真係食得晒成個雲尼拿雪糕 Brownie 加 Double Cream 送多3個俾你…… 11. 你唔使因為男友上你屋企先黎執房，等佢以為你係整潔女生，其實張床有位訓得落我個人同部 Laptop 就 Okay 架喇 12. 你唔使陪佢同佢啲兄弟出街，其實我唔係好鍾意你啲自以為是又隨便嘅兄弟 12.1 你唔使陪佢同佢啲兄弟+女朋友出街，其實我唔係好鍾意扮同 MK 妹做姊妹 13. 你可以有 YouTube Day，成日乜都唔做乜都唔理剩係上 YouTube 睇片 :: 與其兩個人一起不快樂，倒不如一個人快活自在 :: PS: 當你一個人都可以活得快樂，就不會因著急拍拖而跟錯的人一起。減少讓錯的人傷害你，也是愛自己的一種方式。 ♥勝仔 勝仔單身遊 | Facebook｜Instagram
