壽司，係我心目中，並唔係最鐘意既野食，係香港，我好少食壽司，就算去日本，都唔會揀壽司食，就算食，都係食熟壽司，例如:鰻魚，蛋，牛肉，熟蝦等，甚至從未食過迴轉壽司.自從上年社運事件，大家對某一飲食集團發起罷食，其中一間xx壽司就最影響，我咁耐以黎都未食過，社運之後更加唔會食.但係，幾個月後，有間過江龍迴轉壽司店［壽司郎］喺香港開分店，一開張，超多人食，甚至要等成三個鐘先有得食.所以未有計劃去試吓，不過，最近我細佬提起，黎緊約朋友食壽司郎，於是醒起呢間餐廳，不於睇吓有咩食，睇睇餐牌，款式非常多，最平12蚊有兩件壽司，加上有某幾款壽司都幾有興趣，而且仲有熟食，炸物，甜品等.不過，呢間野出名等得耐，如果要book位，三個月內都full哂，於是上網搵吓可唔可以walk in，發覺原來可以趁開門前排隊，就可以walk in食，於是，決定黎緊星期一食壽司郎.壽司郎有幾間分店，今次揀咗黃大仙分店，位於翔盈里商場，大概十點四十分，就到達，餐廳開十一點，黎到個陣，門外已經有幾個人排隊 十分鐘後，餐廳開門，開始派籌，由於排得比較前，一開門已經攞到籌 黃大仙分店門口有位置比客人坐低等位，非常貼心.十一點正，開始叫號入座，我只係等咗兩三分鐘就有位，入座前店員會先比兩張濕紙巾，口罩袋加座位牌 店員安排我係11號檯，係角落位，而且係吧位，坐低個陣，店員會問你有冇食過壽司郎，如果冇，佢地會講解吓例如點樣叫野食，餐具擺邊，服務非常好.講翻座位，位置非常闊，檯面有部平板電腦可以點餐，前面既迴轉帶亦可攞壽司，上面有水杯，檯面可以斟熱水或者加綠茶粉，整綠茶，右手邊有醬汁同筷子點擊圖片放大 係迴轉帶上面有唔同種類既壽司，不過，呢度限時60分鐘，如果多人黎食，會有啲急，但一個人食就冇問題.由於壽司種類多，建議用平板電腦叫野食，一黎唔洗係迴轉帶等，二黎即叫即整.我自己唔食生壽司，所以主攻熟壽司點擊圖片放大 +3 其實仲叫咗其他款既壽司，不過漏咗影相.呢幾款味道唔錯，幾好味，讚一讚呢度既天㷌羅壽司，叫咗蝦同蟹柳，兩款都新鮮熱辣，而且蝦同蟹柳分量都大，非常好味.不過，飯底比較黐，比較難挾起，呢點要改進一下.除咗壽司，都叫咗份炸雞軟骨，細細份，一口過，加上檸檬汁，味道可口. 食咗45分鐘，食得七七八八，估唔到自己都食咗十碟野 食到好飽，埋單可以用平板電腦，叫職員幫你點算點算碟既數量，再攞號碼牌到收銀處俾錢就可以，食完後，大約十二點，門外開始聚集等位既客人，所以，如果唔想等，又要walk in黎食，最好趁開門前排隊，就一定食到. 下面亦附上餐牌供參考
