翻完一輪工後，又想去旅行，原本今次想去首爾，不過，唸住book機票酒店個陣，發覺價錢已經貴咗好多，所以放棄咗.最後決定去曼谷，平靚正，加上好掛住曼谷既市集夜市，四日三夜既機票連酒店，三千三百左右，非常抵.今次揀咗早機，去到都係中午，可以當一日玩，大約十一點半到曼谷，一點左右就到酒店，由於時間尚早，先寄存行李，然後出發去市集.上一次黎曼谷，第一日去咗翟道翟週末市集JJ Market，呢個週末市集，係曼谷其中一個最鐘意既地址，又大又多野買，又平點擊圖片放大 +2 每次黎都係咁多人，而且好好天.上一次既行程，都有推薦一間鴨腿湯麵餐廳，今次去竟然要等位，好彩我一個人去，等幾分鐘就有位.同之前一樣，叫咗碗招牌鴨腿麵加杯飲品，味道依然一樣，湯底濃郁，而且鴨腿軟淋，非常好味.呢間鋪好受香港人，旁邊既食客都係香港人點擊圖片放大 +2 食完繼續行街，行行下又買咗一袋二袋，相信鐘意購物既香港人，黎到呢度都會好瘋狂，我都買咗幾袋野，滿載而歸，大概四點幾，就離開咗，翻酒店check in 今次既酒店，揀咗喺BTS Nation Stadium站既Holiday inn Express Bangkok Siam.由酒店行去bts站只需30秒，落雨都唔洗怕，行去Siam既商場只需十分鐘內，酒店樓下有便利店，最重要價錢相宜.今次安排房間係24樓，景觀相當開楊，望向運動場 休息一陣，夜晚行去Siam商場行吓，由酒店行去Siam paragon大約八至十分鐘，晚上Siam變得熱鬧，燈飾都亮起來，喺Siam站既廣場，更有噴水池，Siam center連接到Siam paragon既路上，好多人影相點擊圖片放大 行咗陣，食埋晚飯，就翻酒店休息，始終今朝一早起身搭飛機，舟車勞頓，聽日繼續曼谷既旅程
