我諗大家都有一個疑問，點解我成日用Pancake粉但係又唔見我教整Pancake嘅呢？無他嘅～一時醒唔起我未寫過姐～但係其實一d都唔難架～雖然無用鑊煎咁靚，但係味道一d都唔差架～ 難易度：★★☆☆☆ 卡路里：600（大概5件Pancake） ** 卡路里只供參考，唔同牌子嘅材料營養成分都不盡相同 ** 唔同嘅微波爐設定會有所不同，請根據設定作適當調整 材料： Pancake粉 8湯匙 牛奶 6湯匙 糖 1湯匙 雞蛋 1隻 牛油 2湯匙 工具： 中碗 1隻 細碗 1隻 平底碗/碟 1隻 湯匙 1隻 叉 1隻 步驟： 1）係細碗將牛油叮溶（1000w，20秒） 2）蛋係中碗法好，加入糖、牛奶同1湯匙溶咗嘅牛油攪勻 3）加入Pancake粉攪勻 4）係平底碗揸少少溶咗嘅牛油，之後倒3湯匙粉漿係中間 5）入微波爐，1000w，45秒 6）將Pancake反轉，再叮10秒，重複步驟4）－6）直至粉漿用完 7）可以加上糖漿或者果醬，食得！ *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 「無火免焗食譜交流中心」逢星期六更新，同大家分享簡單又大眾化嘅食譜！ 請Like 無火免焗食譜交流中心
