又係時候介紹返d邪惡既甜品！最近鐘意整啲一個人份量嘅嘢，少少地快靚正！當然仍然會秉承盡量唔洗洗咁多碗嘅原則啦～Brownie之前都整過，所以今次加少少新意～就係加入花生醬！其實我就麻麻地花生醬嘅，不過佢咸咸地配埋Brownie個種濃厚嘅朱古力又真係相得益彰！ 難易度：★☆☆☆☆ 卡路里：436 ** 卡路里只供參考，唔同牌子嘅材料營養成分都不盡相同 ** 唔同嘅微波爐設定會有所不同，請根據設定作適當調整 材料： 朱古力 20g 牛油 20g 牛奶 2湯匙 Pancake粉 2湯匙 花生醬 1茶匙 工具： 中杯 1隻 茶匙 1隻 湯匙 1隻 步驟： 1）牛油同朱古力一齊係杯叮溶（600W，45秒，未溶晒可以加叮15秒之後攪溶佢） 2）加入牛奶攪勻 3）加入Pancake粉攪勻 4）將花生醬放係中間輕輕按入粉漿中（唔需要完全浸係入面，叮完佢會自己尋底） 5）入微波爐，800W，1分30秒，攤凍硬身就食得！ *:._.:*~*:._.:*~*:._.:*~*:._.:*~*:._.* 開咗Facebook page啦～請多多支持！歡迎分享同交流！ 「無火免焗食譜交流中心」逢星期六更新，同大家分享簡單又大眾化嘅食譜！ 請Like 無火免焗食譜交流中心
