香港天氣時凍時熱，一時乾燥一時潮濕，皮膚都唔係幾頂得順！小編用了以上產品，成功渡過了轉季的反復天氣。希望都可以分享比大家！ 1. Laneige Water Sleeping Mask 我手上呢罐咁細係因為買SET既時候送既，但都用到好幾次。其實小編一直都唔太好SLEEPING MASK，因為訓覺個陣轉黎轉去會痴到周圍都係！但呢款令我感覺幾好，佢好快就會吸收左一部分，到訓著個陣已經唔會太容易痴到周圍！而且買既時候店員叮囑其實搽薄薄地就夠！ 第二朝訓醒會好似有層保護膜包住你咁，覺得皮膚細嫩左唔少，所以天氣一凍既晚上我就會用！ 2. Origins Spot Remover (約$130) 呢款係來自ORIGINS既暗瘡啫喱，佢既優勝之處係佢唔似茶樹咁搽完會令皮膚變乾，而且佢係啫喱狀感覺都較快吸收！佢可以令到轉季既瘡瘡快Ｄ好！（一轉季真係Disastrous）上網都見到唔少blogger用緊啦 3. Kiehls 金箋花爽膚水 (250mL 約$300多) 呢款相信唔洗我講都有好多人知，亦係kiehls既王牌産品!轉季就係想搵一d抒緩為主既toner，減輕皮膚對天氣既唔適應。呢款toner用係化妝綿再敷係面上都十分好，暗瘡比較嚴重既日子我就鍾意洗完面敷一敷先，當堂就冇咁好腫。 4. Kiehls ultra facial cream (約$250) 呢隻cream一樣都已經非常出名了，佢好保濕之餘，對於超油性肌的小編來講，最重要最重要係，一點都不會笠！！！！所以已經爆分(^V^) 5. laneige water bank essence (約$300) 每個冬天都要買好多保膚品，又係冬天先特別需要用精華～但係小編仲係學生，真係負擔唔起高價精華！＠＠laneige呢隻保濕精華應該係佢地護膚品既主打之一，但係價錢係專櫃黎講好平，只係$300幾。質地係中等既精華，較杰身的。我係一田買感謝祭package $325連埋其他幾支細size的產品，十分抵玩！仲親民過kiehls同origins原來，而且保濕效果又唔差。適合一點預算唔多係學生呢！ 6. ELE mineral white mask 呢隻MASK係泰國買架（【泰國】曼谷十大必買妝品用後感），冇記錯都要太概二百？？但因為夏天太潮濕唔太想用SLEEPING MASK，一直到天氣轉涼先拎出黎。擠出黎係白色CREAM狀，第二朝醒來會見到冇曬白色吸收曬，都幾明顯白左明亮左！因為轉季實在爆太多瘡，留底既印都係要多啲用美白産白搞搞佢！除左美白之外，都有少少保濕既功效。 7. ORIGINS保濕打底霜 ORIGINS既保濕打底霜係我係ORIGINS入面最鍾意既一款產品。其實係夏天已經開始在用了！打底霜用係面霜之後BASE之前，質地同精華差唔多，吸收得都好快，可以加強保濕度，令之後妝感更加貼服（冬天真係好易乾><）。圖中唔係貨SIZE，係7月個陣拎既會員生日禮物，都可以用到依家！ 些雲 >Instagram: sharon.tamm >Email: sharontam0712@hotmail.com >Blogspot: sharontamxx.blogspot.hk >UBlog: https://blog.ulifestyle.com.hk/blogger/sharontam0712
