一個人食野好多時候要搭枱, 做甚麼都覺得不自然, 這次發現這間位於尖沙咀活方地庫的倉吉拉麵, 店面已經很有特式, 先在門外的自動販賣機order那種麵同配菜/飲品, 而旁邊會看到那裏有空位, 自己就揀選個啱位坐, 我去既時候差不多3點所以空位還有5-6張, 全間餐廳連販賣機旁3個位, 一共22個位, 所以午晚餐時間應該要等位了。 賣麵的自動販賣機, Order, 入錢, 出票, 拿票進店 空席顯示, 這個是我走的時候照的, 因為已經4點多, 所以空席較多~ 一步進去如日本的特式拉麵店, 如自修室般一格格的, 一個人食飯真係啱晒, 有返自己既私人空間。但如果情侶食呢? OK, 因為塊板可以摺埋的。 坐好位置, 在表上填好煮麵和配料的要求就可以按鈴叫師傅拎單煮麵, 前面塊紅布只有拎單、俾麵同清潔既時候先會打開。 水, 筷子, 調味料, 全部都响自己果一格有齊, 連水都可以自己refill,真係有一個屬於一人既小空間。 我叫的是和牛神, 由和牛3片和牛骨湯煮成, 麻油和蒜的配搭剛好。和牛3片是半生熟, 很嫩~ 麵我已經點軟, 但還是有點硬。我extra叫左糖心蛋, 做到糖心的效果, 不過不失~ 一個人吃想點影都唔尷尬^^ 已現在的日本拉麵算中上價, 我的和牛神是$88 + 糖心蛋是$102埋單。 而且活方地庫有很多特式店, 可以吃到蘭芳園的靚奶茶, 又或去吃日本甜食-瀰月屋可坐榻榻米 大家有興趣可以不妨去試下: 倉吉拉麵 地址: 尖沙咀彌敦道36-44號重慶大廈活方地庫8號舖
