最近這些日子令我深切地了解到一句真理。人生得意須盡歡，莫使金樽空對月。 真係下1秒都唔知會發生咩事，今朝飲酒就今朝醉啦！最近想嘆番兩杯都會落嚟呢間串燒酒場。呢度啲手工啤酒都唔錯，價錢around $50，叫咗兩杯，分別係Little creatures Pale ale 同埋Little creatures IPA ，我自己就鍾意ale多啲，果味比較香，啤酒清而順喉，飲落有香檳feel! 呢度都有好多款串燒，海陸空都有，款式都好幾十款，用嚟佐酒就一流啦！ #招牌茄子燒 $32 原條茄子配以香蔥和蒜蓉一齊燒，孜然粉的香味完全滲透晒落茄子度，燒到軟綿綿嘅質感，放入口中好似鹹棉花糖咁，好味又惹味😋 #燒韓國鮫魚扒 $68這款魚扒肉質實在，魚肉伴隨炭火香味，啖啖肉食落唔會鞋口，強烈建議一定要點醬汁，將魚肉嘅鮮味提升到極點。 #香蒜燒鮮鮑魚三隻 $68Size細細鮮味卻無窮，彈牙嘅鮑魚肉，在每一下咀嚼，香蒜和牛油嘅味道都不停散發出嚟，so yummy😋 #燒紫菜年糕串 $25咬落外脆內軟，軟綿綿嘅糯米糍和鹹鹹地嘅紫菜醬鹹鹹地嘅紫菜醬好夾呀！而且無芝士年糕咁漏，i like it! #秘製風味羊肉串 $19羊肉keep到鮮嫩，而且羊肉和孜然粉真係美味嘅配搭， #蒲燒原條鰻魚珍珠飯 $78鍾意夜晚有澱粉質落肚嘅話(例如我老公😆)，呢度都有好多飯類選擇。呢度啲飯用日本米，口感煙煙韌韌，鰻魚份量都好ok，老公次次都一定食佢😆
