撐枱腳嘅嘢有時唔一定要同老公嘅，同老友食有時仲開心啦！

傾下扮靚傾下減肥，有時傾埋啲八婆仔話題，簡直食餐飯食幾粒鐘都有時光飛逝的感覺呀！

尤其呢度氣氛好好呀！環境舒服而且有小小音樂又唔會太噪，傾計一流架！早來仲可以坐到最寛敞的卡座位潻！

先來了個佐酒小食拼盤，我們不好酒精，不過好炸物！(≧∇≦)

叫了兩杯外表已經引死人的乳酪沙冰！夏天嘛！外面30幾度熱死辣辣，唔嘆番杯解渴透心涼沙冰容乜易中暑呀！

一杯紫紅色的是藍莓乳沙，我嗰杯奶奶地色的是水蜜桃乳沙，面頭仲要有堆好濃北海道牛乳味的鮮忌廉，仲有一打粒的水蜜桃！正！杯drink飲落唔算好甜亦不會太果糖feel,反而是真水果真水蜜桃那種淡淡的果香同乳酪味都幾重！而且質感幼滑偏向奶酪feel多過重冰粒，我好鍾意個口感呀！

而佐酒小食拼盤就包括

Shine's fried platter of onion rings,asparagus,hiroshima oysters,soft shell crab,with tomato compote~

左下個支係勁粗look露筍，長過手掌粗過中指仲為了入鏡容易些俾我啪斷左，夠曬greenish，我個friend勁鍾意食，所以醒曬兩條俾她＼(^o^)／

洋蔥圈唔係好夠脆，可能因為個洋蔥都好厚身，所以內裡有一定的水份，不過紫洋蔥蔥味夠濃搭夠啦！

炸蠔同炸軟殼蟹都好好食！個蠔好似係有名堂的，有個日文名，應該是日本來的蠔Y(＾_＾)Y食落都幾香蠔味，不夠個肚唔夠肥美，有點不足，但日本蠔一向偏細隻，呢幾隻炸完都有番咁上下大隻已經算好難得！

個軟殼蟹好有風味，咸咸地好似剛剛在海度捉上來即炸咁有鮮味！

呢款紅酒燴牛面肉伴香煎帶子南瓜薯蓉面頭搭左兩條芥蘭當堂覺得好似碟頭飯(≧∇≦)

但是大家留意番佢本身其實係食材比較難揾的牛面朱登！一隻牛咁大隻，但是面朱登得二両，所以呢碟“碟頭飯“已經起碼一隻牛的size才有的！所以要成三百幾蚊一碟都係無可厚非的！旁邊仲有兩粒切半的巨型3L剌身級帶子！個帶子輕輕煎了兩邊，中間還保持住剌身質感，那種甜就一路食一路滲出來，起正！

至於面朱登就事先用紅酒燜到淋一淋！因為牛食草，而且一日食到黑，所以個咀嚼肌應該都會好發達下，所以面朱登塊肉應該仲實的的過牛吧！而這個用紅酒燜到入口即溶，應該起碼要幾小時先做到這效果吧？！而且食落有陣陣提子香，甜甜地咁都幾好食！