日是美食博覽的第一日，難得男友肯同我一齊出動血拼，在呢樣又特價，嗰樣又出位價的情況下，買了一大個行李箱外加一個環保袋。行了幾粒鐘，仲累過行山！ 所以在打道回府前，要先補充番體力，在地鐵站附近隨便找了間burger快食一個晚餐。 漢字來說，我個人就較鍾意食牛肉漢堡，老麥那種無食好耐，因為驚低價漢堡會混合了豬肉，不吃豬肉的我覺得太有風險了！但是漢堡對我來說有太大魔力了，所以久不久都要上下電，百多元一個餐，貴點就貴點啦！ 收得百幾一個包，質量自然有番咁上下，我叫的雙層芝士漢堡份量夠，一口無可能食到的厚度，再來熱到溶心的芝士，芝味夠濃，重點的牛肉漢堡扒亦肉質鮮嫩多汁，而且肉味爆濃，真心好食！ 其他配套如薯條和奶昔也挺不錯的。薯條見到條邊有薯皮，似原個切條的，薯味十足，炸得香脆！ 奶昔都好好飲，士多啤梨味夠香略甜，口感順滑奶味夠而不over,賣相精緻呃like無得頂！不過要加30蚊先可以轉奶昔就略貴就真。
