Day 6 晨咁早就搭內陸機，朝早十點鐘，終於到達墨爾本。坐skybus由機場出市區只係需要大約半個鐘，又幾快喎！黎到墨爾本有少少興奮，唔係因為墨爾本的翡翠，係因為呢次係住apartment，有得洗衫！ 墨爾本係倫敦以外最多維多利亞式建築嘅地方。不過可能我有偏見，即便曾經係倫敦遇劫，我依然認為倫敦靚啲。或者一個地方嘅風格唔係全部由果個地方嘅建築物決定，而係成個地方嘅歷史、文化、建築、人民共同組成嘅城市面貌。 Flinder Street Station 墨爾本地標之一，外觀幾靚，但比起布里斯本略嫌有少少污糟，地下頗多垃圾。 維多利亞州立圖書館 背住圖書館向前行就係唐人街。今日黎到唐人街有個好重要嘅目的：報一個平嘅local tour。因為要去墨爾本附近嘅景點 (企鵝島、大洋路)車程閒閒地都幾粒鐘，冇理由辛苦揸車果個，所以報本地團係比較好嘅選擇。點解要去唐人街報？因為平過知名品牌 (Grayline, AAT King, etc)好多！我今次報左個3日package，分別去企鵝島 (Phillip Island)、淘金鎮 (Sovereign Hill)同大洋路 (Great Ocean Road)，總共只係每人AUD140，呢個價如果西人團冇特價應該只係去到其中一個地方。不過跟得唐人街嘅團你就要有心理準備好多大陸人。 完成任務繼續遊盪。去左St. Kilda Beach附近。 Luna Park 冇開......=.= 沙灘 主菜！睇企鵝仔！！！ 點知......維修中，冇得睇，好可惜......
