Day 5 呢日係澳洲行程入面令我最期待嘅一日。因為預約左去搭鴨！

咩係搭鴨呢？！所謂嘅『鴨』其實就係水陸兩用車，我覺得好得意好搞笑，~~還掂成個行程都係得我一個plan，~~所以就排左入行程入面。LOL

個車頭好似鴨嘴咁伸左出黎，又游得水行得路，可能係呢個原因，所以叫鴨啦！

啲鴨車車身比普通車高身好多。

揀左呢間鴨店，每人每程收AUD25，另外仲有兩三間鴨店揀，多數收AUD35，但車程同路線都係咁上下。可能因為呢間啲鴨車大架啲，一程可以坐多幾個人。

前面隻鴨準備落水！好緊張！

嘩！落左水喇落左水喇！

架車係地上面行嘅時候有少少顛簸，但落到水反而好定，好似搭緊渡海小輪咁冇咩野。

見到兩個叔叔出海釣魚，say hi~

大約一個鐘就完成左鴨之旅。XD

之後就去左Coolangatta，亦都即係黃金海岸機場果邊。

原來呢度已經算係離開左Queensland，入左新南威爾斯省！=0=

架車個GPS淨係得Queensland，搞到要用google map...

今日黎呢度嘅主菜就係─登登登登─捉蟹食！

Coolangatta沙灘

聽請每年Quiksilver滑浪賽初賽都係呢度舉行，係另一個滑浪勝地。

準備坐呢隻船去紅樹林捉瀨尿蝦同蟹！

捉極都捉唔到瀨尿蝦，淨係捉到蟹仔......

但蟹仔係冇用的，因為今日嘅戲玉係大大大泥蟹！

睇隻蟹幾可愛~~~~但陣間就要比我地食LU~~~

成日有人黎呢度捉蟹，回解捉極都仲有嘅呢？原來因為有管制，太細嘅蟹一律要放生，爭1mm都一定要放！就係啲管制做得好、啲人又自律，先可以兼顧生態同有好野食~

其實佢地唔係好識食，咁大隻又新鮮嘅蟹清蒸應該好好味，但佢地係成隻蟹掉落滾水到煮熟。

不過咁，啲蟹本身真係好新鮮，咁樣煮都仲好鮮甜好味。

好多塘鵝 (大嘴鳥)

今日玩得好開心，附送日落一張。