☀ 38th BLOG ☀ 由第一次同CC見面. 我地傾左成個下午. 就已經決定左. 等我去完韓國番泥. 大概9月尾果陣. 就準備租屋既野; 係決定租邊間之前. 果日第1次見面傾完. 大家都不停上網望下租屋既野. 見到岩心水價錢又ok既. 就會send條link俾對方望下評價下. 睇下值唔值得加入我地既候補名單xd p.s.我地都係係airbnb度搵; 其實去到9月尾前. 我地已經有幾間心水. 亦會幫佢地改番個花名. 等我地會易記d.知對方講邊間; 其中一間. 我地兩個都勁鐘意. 係zone2.間房又令. 但價錢略嫌貴左dd. 所以我地都考慮左好耐. 亦都諗住搵多幾間睇下會唔會有好d. 或者會唔會有再令d既房; 但怪在竟然冇間房令過佢!!! 就算有.價錢都高超級多. 仲要離zone1勁遠 -_- 本身我地諗住3月7先出發. 點知某一日心血來潮睇下令房既booking. 居然發覺3月13後有人book左. 我地冇得book!!! 咁冇計啦. 唯有搵過第2間. 點知問左4-5間屋主. 佢地都話唔接受咁耐之後既booking :O! 果刻我心諗. 咁你airbnb又俾人禁咁耐之後既booking -_-! 都算啦. 唔俾book咪唔俾book! 我地商量左1-2日之後. 諗下問下令屋屋主係咪真係冇得book 3月13之後既房. 係唔係真係full左. 個屋主話係.冇錯. 我地經過一番考慮之後. 就決定提早出發去到既日期. 結果就決定左2.27出發啦. 因為我地諗住book 2個禮拜ma; 到最後. 係2016.9.29(四). 我仲好記得果日我仲番緊工. 唔知點解果日特別忙特別多野做. 我就上網同令房屋主confirm左booking. book 由2017.2.28 - 2017.3.14 既Double Room. 總共$5655; 都Okay啦. 每人$2828. 仲要14晚!! 跟住我就用credit card係airbnb度俾左錢先. 到上個月我先記得叫CC俾番錢我haha! 如果唔係佢提我. 我都差d唔記得左件事添 -v- 提一提大家. 第一. 禁book房之前. 最好問清楚屋主接唔接受你想book既日子. 費時你禁左book既日子. 過幾日屋主先同你講佢唔接受. 咁到時要再搵過.就好麻煩架啦; 第二. book房之前. 記得睇清楚屋主寫既房屋守則. 係每一隻字都睇清楚. 有咩唔清楚就要msg問清楚個屋主. 如果佢答得唔清唔楚. 就要問到佢答到個確實答案為止! 記住唔好刪msg既記錄! 第三. 睇清楚先好禁book房既日子. 如果禁錯左我都唔可以保證屋主可以俾你換日子; 我book果陣就試過. book之前. 我同令房屋主msg過. 同佢講就係2.28-3.14. 但我禁就禁左2.27-3.13. 好在個屋主好心提我.問我係咪禁錯. 我先改得番係2.28-3.14; 我都知睇租屋既野好煩好攰. 果陣我番工又睇. 放工又睇. 同CC傾左好多次先有呢個共識; 係喎. 記住book房要提早book! 果陣我地諗住仲有大把時間. 本身諗住今個月先book都未遲. 但好野總係會多人爭. 全世界唔只得你會book架. 我地9月book. 呢間令房既出年3月booking都full左半個月; 不過都要睇番你想book果間接唔接受咁耐之後既booking. 如果佢唔接受既話. 最好問下佢幾時開始接受. bookmark定個日子. 佢一開始接受就好book啦; 穩陣d嘛 :):) 但係book左都唔好咁老定. 都要搵番一兩間做後備. 因為有識既人試過臨出發前既1-2日. 個屋主先同佢講要cancelled booking. 搞到佢要臨時臨急搵過另一間. 好彩佢都搵到good! 仲有呀! book之前記住睇下佢間屋交通方唔方便. 會唔會太過郊區; 咁好彩我book之前. 有send過俾我家姐望下. 佢有同學咁岩係英國旅行緊. 可以順便去果度望下附近既環境睇下點樣. 同埋交通方唔方便; 家姐同我講返佢d同學話唔錯都算ok. 所以我更加放心咁去book! 如果冇識既人係果邊都唔緊要. 可以打個網址上去google map搵下. 都照可以睇下個街景:) 最後. book之前. 都要睇下過往既住客既comments. 同埋佢間房既評分. 唔多唔少都有d幫助架! 如果comments太少或冇咩人評價. 建議就save低先.再望下有咩其他更好;) 至於好唔好住屋主點. 我就要等到下年2月先同到大家分享啦! 呢篇租屋就分享到呢度先. 有咩唔明都可以問下我架 ;)! 雖然我未到達人級. 但至少我book過. 我會盡我能力咁去答你既問題=) 轉身離開 分手說不出來 海鳥跟魚相愛 只是一場意外 我們的愛 差異一直存在 風中塵埃 竟累積成傷害 BY 周杰倫&梁心頤 - 珊瑚海
