☔⚡ 28TH BLOG ☔⚡ 每日都諗緊幾時8月尾幾時8月尾. 盼左咁耐. 今日終於泥到出發前既尾2日啦 :D 我將會係8月30既中午到韓國. 進行1個星期既旅行. 到9月6既凌晨先會番到泥香港; 心情.. 有興奮有緊張. 不過冇擔心; 雖然係第1次自己搭飛機. 第1次自己1個人去第2個國家旅行. 但我諗應該唔會有唔好既經歷既;) 期待~~~ 其實我去過旅行既次數已經唔算多. 同爸爸媽媽1年去1次跟團既中國短途旅行. 上上年4月第1次同Friend去左台北. 上年12月中第1次. 不過亦都係最後1次同前男友同佢既姐姐姐夫去左日本; (其實我唔太想承認佢同我1齊過xd 亦都唔想認我識佢) 經過大半年. 我都認自己性格上變左好多. 同以前個自己有好大分別. 同時亦多左時間消失左.冇人搵到我. 而想自由討厭俾人管住晒既心. 由始至終都冇變過. 反而1日比1日強烈明顯; 由細到大. 我就比家姐頑皮好多. 雖然未至於要見家長. 但缺點小過口頭警告1定唔少得我. 而模範學生讀書亦同我無緣; 可能我係屋企最細果個. 亦有可能爸爸媽媽知道管唔住我. 最大原因係因為佢地愛我.唔想控制住我:$. 所以一路以泥. 無論我想做d咩. 包括參加上上年搞到好大型既運動. 讀完HD唔繼續讀上去而出泥社會做野. 去workingholiday等等. 雖然佢地有時會有d意見. 但最後都選擇支持我. 只係希望我知道一旦做左呢d決定. 第時冇得後悔.因為係自己揀; 一直以來. 因為爸爸媽媽既唔阻止同支持. 我諗到想做咩就去做. 但其實我對我既將來好迷茫; 出泥做野做文員. 一開頭我希望可以做一世. 但直到某一日. 我忽然之間唔知自己留係呢間公司為咩. 覺得自己好似被困住左係個籠入面. 連呼吸都呼吸唔到. 對住一成不變既工作以及環境感覺好煩厭. 好想有d改變. 所以我最後選擇左埋沒左幾年既夢想:: 去我最愛既國家-英國working holiday; 希望係英國咁休閒既國家度. 可以搵番我自己.搵番我既將來; 只不過. 雖然決定左去. 但對煩悶既工作依然感到煩躁. 好想暫時離開休息一下. 結果我選擇左. 自己冇去過既地方-韓國1個人旅行 :) 定左之後. 親戚又whatsapp又打電話泥. 覺得我自己1個危險希望我搵人陪我; 親戚好多都當我仲細個. 咩都要人陪既果種人. 但其實我好鐘意1個人. 唔鐘意咩都有人陪咩都有人監視住. 要我自己1個我會好開心. 雖然有時候會悶. 但真係唔鐘意有人成日煩住既感覺; 同埋. 我一直都好渴望自己1個人周圍去. 去世界各地認識唔同人. 認識唔同國家的文化; 所以呢.. 幾個星期前. 我係背包客棧開左post找伴同我遊韓國. 結果有1個香港女仔同1個台灣女仔. 會分別同我1齊玩幾日. 中間都有一至兩日自己周圍去; 對於我既韓國之旅. 我唔擔心唔害怕. 反而好期待 ;);) 雖然訂機票果刻係衝動. 都會懷疑自己1個人得唔得. 但只要俾信心自己. 其實nothing is impossible既 :)! 我8.29晚已經要到定機場. 因為佢超早機. 太早我又冇機場巴士搭. 唯有去機場過夜; 但8.29果日我要番工. 番到泥屋企得幾個鐘執野. 所以今日已經要執定啦 :O 而家12:30仲有半日時間可以慢慢執. 等我煲陣劇夜晚再執過xd 琴晚我"發掘"左套新劇. 係Netflix自己原創既劇集. 叫 - Hemlock Grove 鐵杉叢林; 入面有吸血鬼同狼人. 但留心.佢地唔係好令好型果種. 係會變到有d恐怖果種 :S 入面既情節. 有噁心.恐怖.18禁既情節. 18禁係1開始已經有少少haha. 所以心血少d驚恐怖片既人要考慮下適唔適合睇啦;) 如果想俾心理準備自己. 又或者想知自己接唔接受到. 可以上網打"hemlock grove劇情". 好多痞客邦既blogger都有介紹架;) 好啦. 睇劇先.順便搵lunch食 :D 有時候 我也會想要掉一些淚 哭完了 再站起來面對 BY 張韶涵 - 有形的翅膀
