☀ 27TH BLOG ☀ 好攰好攰ar... 之前. 同一齊去WORKING HOLIDAY既同伴. 第1次約出泥傾. 雖然佢大我5年. 但佢個樣睇落去同我差唔多大xd 最重要既係. 我地傾得好投契.好開心. 少少dead air都冇. 仲要大家都好鐘意飲酒haha VERY GOOD XD 因為果次傾計. 我地決定左好多野. 包括幾號出發機票幾時買住宿點樣etc. 住宿我地決定短租住先. 去到英國先再實地睇長租;) 而租邊度. 就要等10月我地再見面既時候. 就要決定啦! 得番個幾月時間. 平時我趁住番工得閒上網既時間. 就不停上網睇租屋既野. 例如Airbnb.facebook既租屋group等等; 唔係講笑. 番工已經不停要用電腦. 休息既時候仲要轆租屋既野. 真係睇到對眼勁攰; 番到屋企已經冇心情冇精神睇. 直接訓覺算 -_- 真正要睇租屋既野既時候. 先發覺原來真係好難好煩. 終於明白媽媽爸爸搵屋睇樓時既辛苦XD 好啦; 今朝鼓起左好大勇氣. 先離開左張床. 開埋電腦.開始打呢篇blog ;) 開始我既Harry Potter開箱文先! 大家知唔知Harry Potter出左新書呢? 唔係"怪獸與他們的產地". 係"Harry Potter and the Cursed Child". 中文係"哈利波特與受詛咒的孩子"; 雖然我都知等多陣. 香港既誠品同其他書局都會賣呢本書. 但我同姐姐真係等唔到啦haha 所以就係台灣既誠品網預訂左. 等左成個幾月. 終於係幾個禮拜前就收到啦;) ☝ 箱 ☝ 大家留唔留意到呢? 我係公司收到架yeah ☝ 箱既側邊 ☝ ☝ 開箱後的情況 ☝ 有膠袋係上面保護住佢地~ ☝ 拿開膠袋後的情況 ☝ 因為我係台灣博客來度預購. 而唔係直接買. 所以我結賬既時候. 發現除左本書之外. 仲會免費送隻嘿美貓頭鷹公仔haha 麻麻地鐘意隻貓頭鷹. 加上拆箱時公司呀姐見到. 話佢個仔應該會好鐘意. 所以我就送左隻貓頭鷹俾呀姐啦; 顯外話. 呀姐前幾日同我講. 佢個仔鐘意隻貓頭鷹鐘意到傻. 全日都要攬住佢. 冇左佢會發癲會喊. wahahahahaha~ ☝ HARRY POTTER AND THE CURSED CHILD ☝ 望落去唔厚. 入面實際上都唔多字架; 因為佢好似舞台劇既對白咁. 一頁得果幾行字. 所以正常泥講好快睇晒架啦; 係正常泥講. 不過我唔正常. 所以到而家為止我睇左頭幾頁炸haha 家姐遲過我睇. 佢已經睇左大半 -V- 雖然佢字唔多.又唔厚. 但內容都好豐富好好睇架; 因為我睇得果幾頁. 所以俾唔到咩讀後感大家; 前幾日去行誠品. 已經見到有得賣啦. 好似係$25x ?! 大家有興趣既話就去買啦;) btw. 琴晚晚餐叫左Pizza Hut外賣食; 點解呢... 因為聽女同事講. Pizza Hut出左個新批.幾好玩. 係叫幸運輪盤. 可以揀帆立貝批或者肉腸批. 屋企人同我梗係揀左帆立貝批啦; 而佢既特別之處就係.. 佢其中一舊係勁辣. 但你唔會睇得出係邊舊. 就要睇下邊個邊個咁唔好彩食中左xd 我諗都係我食中架啦. 琴日同屋企人食左大半都冇中. 而家我係屋企食緊另一半做lunch. 所以應該係我中架啦 :'( pray.... 講下煲劇先;) 琴日家姐番左泥屋企訓. 平日都見唔到家姐. 當然要趁見到果陣盡情咁煩佢啦; 不過佢下禮拜要test. 所以只係煩左一陣炸... 唔可以煩家姐又唔想睇租屋既野. 就係網上search左幾套劇. 叫家姐揀一套俾我煲解下悶. 結果佢揀左套"Sense 8"; 揀完之後. 我直接拎左家姐部電話泥煲劇. 而家姐就係我執邊溫書; 但佢溫溫下都忍唔住同我一齊睇XD 套劇真係好難明 :O 琴晚睇左2集. 先開始明明地套劇講緊咩; 而家繼續煲先. 因為要食pizza lunch. 拎住塊pizza打唔到blog xd 下一篇blog. 如無意外. 應該都會係下禮拜六/日 :) 我沒有預期會和你相遇 沒準備好再淋一場大雨 不想再重覆最壞的結局 只想把不堪的夢留在過去... BY 梁文音 - 不期而遇
