☀ 26TH BLOG ☀ 已經成個幾禮拜冇打到blog啦; 呢十幾日中. 有太多太多事. 原來可以1次過發生; 事源.. 因為某d原因. 我轉左新facebook. 某個中學同學add我. 同我講場面說話之餘. 仲同我講番之前中學既野; 對於我泥講. 中學大部份時間係唔值得回憶. 甚至好多野我都唔願意俾人知道; 點知. 呢個中學同學. 特登add我.對我講左d野. 令我諗番起中學時候既野; 其實我心情唔好同黑面.. 係同一個樣同一種情緒. 唔徹底清楚了解我既人. 係唔會知道有咩分別; 當是但一樣出現既時候. 就算人地同我講野問我野. 平時反應熱烈既我. 只會應佢1句"哦"."係咩". 連望都唔會望佢1下; 連老豆呀媽見到我咁既反應. 都會覺得我冇禮貌. 更何況係同事?! 結果.. 問題出現左; 就係中學同學add我既第2日. 因為諗番起之前. 心情極之差極之唔好. 所以女同事問我野聊我講野. 我就出現左以上既反應; 就算其他人同我講野都好. 我都係咁; 中學同學係之後果幾日有keep住搵我. 我因為咁而失眠. 心情就更加差; 如非必要. 我都冇主動同人講過野. 同平時係人前既我係完全相反; 之後果幾日. 我問女同事公事上既野. 佢既反應都好冷淡. 平時好遲走或者走之前會同我講拜拜既佢. 一到放工時間就會即走. 同我講拜拜都冇講就走左; 我好清楚女同事既性格. 就算我心情再差唔想理人都好. 都意識到.. 女同事以為我黑佢面 :( 但即使知道都好. 果陣既我都冇心情去理. 亦都冇多餘既精神去理. 而我亦都唔想俾人知我既過去. 所以冇諗過去解釋. 既然連誤會都有左.咁繼續誤會落去啦; 之後過左差唔多1個禮拜. 果個同學冇再搵我. 所以心情都好左好多; 可能女同事都感覺到我開心左. 我亦主動同佢講野. 所以我地而家又當冇野咁. 得閒一齊放工行去火車站搭車. 又或者做做下野傾下計咁; 其實. 我都知道女同事到而家為止. 都依然以為我之前黑佢面. 不過我係1個唔鐘意向人解釋自己既人. 你想信就信.唔信我再講你都唔會信. 你覺得我係1個點既人我都冇所謂. 所以... 順其自然啦. 佢唔了解我我都Okay既 ;) 呢個原因. 就係我冇打個幾禮拜blog既最大原因:'( 預告一下. 下禮拜應該會係篇開箱文 :) 作為宅女既我. 聽日竟然要出街:O 如果唔係為左見working holiday既女同伴. 我絕對唔會係咁熱既天氣出街架!! 見得working holiday既女同伴. 代表我離去英國既時間越泥越短啦; 就泥9月. 仲有半年時間我就要出發啦; 忽然間好緊張:S 期待聽日~ 話說.. 我上個禮拜尾. 係3日內煲完一套韓劇. 好好睇. 不過都上年架啦haha 叫 " 學校2015" ; 主角係金所炫; 有睇開韓劇應該都知佢係邊個. 佢真係好令女. 估唔到佢而家先係17(?)歲:O 煲完呢套. 直至到今日. 都唔知睇咩劇好; 近排好hit既"Doctors","任意依戀"."W 兩個世界". 3套都未結局. 唔想睇一半又唔睇一半. 所以搵搵下. 就搵左去台劇. 結果就搵左Ella做既"謊言遊戲"; 好耐之前好似聽過人地話好睇. 但一直都冇左件事-_- 好啦; 而家繼續去煲先xd 係喎. 近泥聽人講大台做既"城寨英雄"好好睇. 有肌肉又有打架場面睇. 主角都係我鐘意既果幾個. 不過我冇睇到hahaha 反而聽到佢個片尾曲. 又幾好聽喎... 係煎pan同胡定欣唱架;) 離不開 留不低 怎麼傾訴 留戀的能伸手偏向後逃 迷失的兩顆心可會做到 無盡旅途陪伴至終老 BY 胡定欣&陳展鵬 - 從未知道你最好
