☔⚡ 11TH BLOG ☔⚡ ☆ 黃色暴雨現正生效 ☆ 我既第6感一直都好準 ; 但有時太準都唔係件好事.. 因為會一直好擔心好擔心.. 所以好多時候會咩都唔諗.. 腦袋一片空白.即係放空xd 上個禮拜既預言成真左. 今個星期真係好多事發生; 星期一冇咩事發生. 星期二就開始啦; 果日一番工就循例入去呀姐間房整野. 諗住快d整完走. 點知部電腦係都唔聽話. 最尾等到呀姐入泥問佢先整好. 部電腦明玩我╰（‵□′）╯ 整完之後呀姐就去佢自己個位坐低. 我果陣心諗死啦.佢一定會問我workingholiday既野. 所以就越整越快; 結果係我就泥整完既時候. 佢無啦啦開聲問我話說...你係咪去workingholiday? 果刻我成個人顫左顫(。_。). 不過我背對住佢.佢望唔到我咩表情. 我話係呀haha. 之後佢問我幾時去會去邊點解唔驚危險. 我全部都用笑笑下或者敷衍咁帶過左. 當佢講"我會好唔捨得你架"果時. 其實我完全唔識反應. 只識講番句我都係架:( 結果星期二我全日都處於驚嚇狀態之中. 完全唔記得自己果日點過. 呀姐同我講野.都扮冇野. 有d似暴風雨的前夕. 但果日放工又接到令我好開心既消息. 就係:: 我本BNO批左啦!!! 好開心 v(￣︶￣)y 時間跳一跳番今日先. 今日係星期六. 約客果陣拎住張單入去老細間房. 就同老細講呢張單要退錢. 講完老細OK諗住走果陣. 老細無啦啦叫我坐低. 有d野想同我傾傾 o_O || 其實老細平時對我好好. 有時lunch見我唔食野. 會專登買零食番泥俾我食. 有時又會叫埋我一齊出去食lunch. 咁當然佢請啦;) 所以佢叫我坐低傾傾果陣. 我完全諗唔到關於咩事; 坐低之後. 佢話.我聽到d小道消息話你去工作假期喎;) 我話hahaha係呀 佢問我點樣申請類似咁既野. 我就同佢講左個大概; 之後就問我點解會想去英國. 我話因為福爾摩斯係英國hahaha 同埋本身都好鐘意英國呢個國家; 跟住佢講左句我到而家都懷疑緊有冇聽錯既野. 就係: 我都好鐘意英國.所以我係好支持你去架! 果下我真係下左聲. 佢就笑住話佢好鐘意英國既文化. 仲指住佢間房d野話好多野都係關於英國. 老細講到明話支持我去workingholiday. 我梗係開心啦 (￣▽￣)~* 試問邊個老板會支持自己辭職. 去一個好多人都話會有2年空白工作經驗既工作假期? 就連我老豆到而家都唔太贊成. 不過佢心知阻止唔到我 xdd 所以真係好多謝老板 ;) 講番呢度, 到下禮拜正式收到本新BNO. 我再同大家分享下我既準備過程同需要時間啦;) 驚險既星期二過左. 點知星期三就得知左個令我好驚訝既消息. 我既女同事有機會同佢男朋友分手 Σ(￣□￣； 雖然唔好聽咁講句分手可能日日都會係世界唔同地方發生. 所以有d人會唔覺得有咩好驚訝. 但對於我泥講.就係好重要. 因為個女同事算係我既好朋友; 之前我都講過. 我係朋友之間算係一個心情垃圾筒. 佢地有咩唔開心就會第1時間諗到我.同我呻. 就算佢地唔主動講. 我隨便問下近排點樣. 佢地都會自動同我呻近來唔開心既事; 而呢個女同事對我亦都係咁. 佢咩開心唔開心都會同我講; 簡介下呢個女同事既感情生活先; 佢同佢男朋友係住埋一齊. 當然住係男方屋企啦; 佢地已經踏入埋談婚論嫁既階段. 除左佢男朋友追佢果陣. 佢同佢男朋友係完全冇試過二人世界. 亦都除左訓覺同起身果刻啦; 如果佢同男朋友無啦啦二人世界. 佢地都會無野好講.會唔知講咩好; 原因好簡單.. 就係因為佢地同男方既1個好朋友每日都3人行; 其實女同事有時好不滿佢男朋友既朋友成日痴埋泥. 又唔好意思直接叫佢唔好痴住晒. 話晒佢係男朋友既friend.要俾面. 同埋正常人都會識做. 就算幾friend都好.都唔會成日阻住人拍拖架ma. 但呢個男仔唔知真唔識做定扮野. 每日都痴住佢地.有時係佢地屋企凌晨3.4點先走; 女同事有時頂唔順. 就會搵朋友訴苦.訴完又覺得冇咩事. 點知俾個男仔知道左. 個男仔就鬧佢雙面人雙重人格. 仲話佢心理有問題. 而女同事男朋友知道左竟然幫佢個friend. 話女同事好假.睇唔透佢係個咩人. 仲聽埋個男仔既建議. 叫女同事去睇心理醫生. 唉.., 呢個女同事又真係去book左睇心理醫生 (*゜Д゜)ゞ” 其實呢個女同事有d野做得唔岩. 間接令個男仔溝唔到女; 之後. 女同事亦同我講. 佢男朋友真係當正佢係病人咁. 兩個人一齊果陣. 佢男朋友好似冇野搵野泥講. 女同事覺得好辛苦; 今日禮拜六. 過左3日. 每日番工都見到女同事以淚洗面. 見到佢既時間係冇1刻係唔喊.. 其實我見到都好心痛. 但真係諗唔到有咩可以幫到佢. 只可以叫佢睇開d. 唔好將咩野都攬晒上身. 唔好覺得搞到而家咁全部都係自己既錯; 今日番半日. 放工後得番我同女同事係公司. 我係會議室整緊野. 女同事專登入泥同我呻. 不停問我佢可以點算. 一路講一路喊; 我好奇怪. 見到人地喊.無論係咩人.我都會無啦啦跟埋喊. 好彩我忍得到; 係果刻我真係咩都做唔到. 叫佢同佢男朋友分手? 我心知肚明講係容易. 但無論仲有冇感情都好.都係會唔捨得分. 就算已經唔再鐘意都好.講分手係需要好大勇氣; 我有勸佢同佢男朋友分開一陣. 但佢又話佢男朋友唔想... 真心想幫都幫唔到咩. 只可以當佢個垃圾筒聽佢呻. 希望佢講完會舒服d諗開d; btw. 今晚要同親戚食飯. 近排親戚之間發生左d事. 希望我老豆唔好同佢地嗌交啦. 如果唔係又要有排煩 ╮(－_－)╭ 5:30p.m.囉. 執埋d野出去食飯啦;) 落好大雨呀! 大家記住呢幾日都要帶 ☂ 出街呀 =] 到底愛剩多少 需要思考 承諾隨愛蒸發掉 BY 楊丞琳 - 冷戰
