當你放午飯既時候,你有冇諗過有一間價錢唔係好貴而且快正既雲吞麵食呢? 我久唔久就要去中環食午飯,通常如果要「快靚正」既我一定係選擇食呢間沾仔記! 地方幾就腳,如果唔飲野其實真係可以$30都唔使就一碗麵 呢碟係雲吞牛肉撈 (over$40) 配上蠔油同我自己再加上好香既辣椒油 我最鍾意佢既牛肉係用鮮牛肉,肉質淋而嫩! 唔會有太多脂肪部份,所以我覺得做到幾出色 至於粒雲吞呢,絕對唔係細細粒,一啖就冇哂個隻! 內裡至少有一兩粒新鮮蝦肉再加入豬肉攪拌 沾仔記由排隊個一刻,已經有人幫你落定單,一入到去遞俾其他侍應 一坐低我相信都唔使3/4分鐘,就可以即刻有得食! 所以真係一個中環番工Lunch Time既好選擇 :-) 地址:中環威靈頓街98號地舖 港鐵中環站 D2 出口, 步行約7分鐘