卡塔爾航空出左條新既航空安全短片0係飛機起飛前播出 主角之一就係連機器人都救唔到佢射既波既美斯喇 係人都知美斯好波、靚仔又高大 (張姓港姐聲稱) 見慣大場面既美斯 有佢陪住你起機真係唔飲奶粉個心都唔會離一離 卡塔爾航空自2013年開始贊助巴塞隆拿足球隊 有咩咁巴屎閉? 其實巴塞一直唔主張用胸前贊助作為收入一部分 不過要養活一班唔使教練都主動識入波既足球機器 銀彈戰術又點少得? 美斯，尼馬，蘇亞雷斯「MSN」組合一星期大拿拿拎球會成千萬 唔搵個大財主0係背後撐腰相信聯儲局發債都唔掂 不過叫得做最後召集梗係好景不常喇 巴塞同卡塔爾航空0係新合約上似乎合不上攏 巴塞恃住地上最強當然唔會減價喇 有傳百事可樂會成為新既胸前贊助 而卡塔爾航空就會轉移贊助德甲既拜仁慕尼黑 所以要睇美斯就要快喇 我唔會想搭飛機見到湯馬士梅拿囉 卡塔爾航空每日都有由香港經多哈轉飛巴塞隆拿既航班 想去魯營球場同米拉之家朝聖話都冇咁易喇 ↓↓(誠懇MODE)讚好筆畫哥Facebook專頁就可以得到最新既資訊了 ↓↓ No Plane No Gain 飛機並唔係咁搭既
