早幾日見到有位媽媽谷友整咗BB版pizza，賣相吸引，我又想試吓整俾小b食，於是上網再睇下其他人嘅做法。我唔識搓麵團，所以用咗幼兒pancake 粉做pizza底，本來諗住開火整，但諗諗吓又要落油又要睇火，最後用咗三文治機整，簡單方便又好味。材料：1. 幼兒pancake 粉2. 幼兒芝士一片3. 三文魚數片4. 車厘茄4-5粒做法：1）將幼兒pancake 粉開成糊狀2）預熱三文治機，同時蒸熟三文魚3）把幼兒芝士切粒狀，熟咗嘅三文魚切小片，車厘茄切一半4）將糊狀pancake 落入三文治機上5）然後加入芝士、車厘茄同三文魚6）最後蓋上三文治機，壓一壓食材可以黏實不鬆散估唔到小b好捧場，好快食完，味道都唔錯，大人小朋友都啱食。
