聖誕節係一年裡面最歡樂既節子！ 因為各大商場，大廈同建築都會有一番特別的佈置 而我每年都最鍾意去唔同既商場打卡，實行集郵系列！ 今次就為大家介紹銅鑼灣時代廣場既聖誕裝飾啦！ 今年既主題真係不得了呀！ 因為佢係一個不論大人細路都會鍾意既角色！ 仲記得早幾年佢既手機遊戲 “Pokemon Go“成為左當時既狂潮！ 無錯喇！佢就係比卡超～～～比卡比卡啦！！！ 展覽有好多間唔同既小屋，而每間小屋都有唔同主題去配合返小精靈！ 除左為人所愛最鍾意既比卡超、小火龍、奇異種子等等外 最大亮點當然係有1.5米高既比卡獸，同1：1還原既超夢夢啦！ （以下兩張相取自U lifestyle) （from ulifestyle） （from ulifestyle） 你以為咁就完左？其實未架 仲有一個亮點就係時代廣場一樓裡面仲有野玩同比卡超公仔影相架 而呢到仲設有一部免費既拍照機比大家玩 照相機預設左5款唔同主題既相框比大家揀 影完之後，你仲可以自己調校人物大小同位置 最後仲可以用QR code下載返張相！或者 email都得！ 你地都快d帶埋小朋友同愛寵物小精靈既訓練員黎時代廣場打卡啦！ 仲可以post ig tag番#HKTSPokemon 一齊睇下人地既設計！ 展期：即日至 2020年 1 月 1 日 地點：銅鑼灣時代廣場 時間：10：00－22：00 Instagram： https://www.instagram.com/sayit.mandy/ Contact： sayit.mandy@gmail.com
