夏天咁熱，成個人自然無胃口啦。所以，我係夏季特別鍾意食壽司或者飯糰，貪佢地酸味味，好易入口。你又有冇想過其實唔駛一定要係超市或者壽司店買黎食，自己係屋企都可以都可以親自做飯糰？整完出黎既成品一黎味道唔會差過出面，二黎可以慳返錢，三黎可以整俾自己既家人或者朋友食，係咪一舉三得呢？ 今次我整既日式飯糰係製作方法同材料上都好簡單！材料如下： 基本材料 (18~19個份量) [夠3~5人食，如果唔需要太多既話可以隨意削減材料] 洋蔥 ...... 2 個 豚肉 ...... 3 包 醬油 ...... 2 小湯碗 糖 ...... 3 X 2 湯匙 水 ...... 1湯碗 米 ...... 4 杯 壽司醋 ...... 6 湯匙 白酒 ...... 3 茶匙 紫菜 ...... 20 片 卻知道製作方法，請點擊此處跳至影片版面！ 最後教你少少小心得啦！ 1. 洋蔥要浸水切，唔係大家就會流眼水架啦 (上次我傻左)。 2. 買豚肉既話，大家可以搵平時打邊爐既肉店，買3包PACK好既豚肉片。 3. 買醬油我建議用日式醬油 (759或者日式超市都可以買到)，味道會比較淡香，連埋材料煮好之後唔會令豚肉或者整個飯糰變得太咸。 4. 至於糖分別要用到兩次，一次係用係拌飯，另一次係用黎煮豚肉。 5. 大家可以係Living Plaza買到飯糰模 (HK$12)，如果唔想花錢買既話，都可以利用保鮮紙塑造出三角外形，當然比較難 ~~~ 喜歡食薯片既朋友仔可以將薯片包裝剪出一角， 一樣都可以壓出飯糰架！ 講住咁多先，大家有問題歡迎In-box我既Facebook專頁！
