我相信有睇新聞既你都知道，中文大學既城市研究項目正在招聘Pokemon Go「訓練員」，吸引想做小智小剛小霞既players幫忙……做研究。但是，你又知道早係中文大學之前，大木博士研究院…啊…唔係…香港大學明德學院已經一早開始左關於Pokemon Go既研究項目呢？ 有睇《假如我男朋友是寵物小精靈訓練員...》、《海邊捉寵物小精靈之旅》或者《從Pokemon Go睇性別研究》既讀者應該都知道我同我男朋友都係半個「寵物小精靈訓練員」啦！但其實我仲有另一個神聖既身份架！就係「大木博士研究院」既研究生！ 今日誠邀所有玩Pokemon Go既玩家，幫幫忙做一份研究問卷！你付出既3分鐘時間將能夠協助掌握玩家們對依個遊戲既觀感同喜好，以及了解新社會文化趨勢，為學術界出一分力！欲提供支緩，請按此處！或者點擊上圖進入問卷版面。呼籲所有Pokemon Go玩家，全力協助大木博士研究！多謝各位！ 祝所有玩Pokemon Go既朋友：咩都捉得到！！！ 如果想睇我係(攝於07/08/16)摩士公園訪問Pokemon Go玩家既現場情況或者小分析，歡迎你到我的Facebook專頁貼文觀看影片！喜歡請按讚或留言說出你既睇法！
