化妝品韓國品牌真係無敵，無敵受歡迎。當然成功有道理，韓仔帶動潮流，但如果專櫃價錢妹妹們當然會降低自己都可以變成IU既幻想力。今次MI就貪得意係樂天買左幾支顏色筆番泥畫畫，過一過"我都可以變PONY"無限FF既心癮。 Etude House X Pony 101 Play Stick呢個系列相信大家一定唔會陌生。想像一下平時要到專櫃先可以買到Pony Effect，而家大眾化既Etude House都可以買到Pony既product，即刻覺得勝價比好高。不過當然一分錢一分貨，今日MI就同大家review一下呢幾支萬用crayon啦﹗ MI拓朋友係韓國樂天買左6隻色連掃一支番泥。先講下粉底，MI揀左最淺既#01同最深既#04。6支質地係都係好creamy既粉底條，易推，感覺油分比較重，所以油性皮膚既女孩子可能就唔係太啱用，會好易溶同過於有光澤感。MI係混合性偏乾，所以面頰位置剛剛好，但T字位就油左D，建議多用碎粉定好D個妝。Coverage都唔算低，一般唔太深既印都可以遮到7,8成，如果好似MI咁懶唔再遮其他野都得算方便。 MI用01色係額頭T字位眼底做highlight，04色係面頰做番陰影小面效果。相比起傳統粉底，的確方便而且多買兩隻色亦唔會太傷苛包。不過持久度確實遠差傳統粉底，容易氾油溶妝。 101 Play Stick另一賣點當然係多種顏色混搭使用，同一支可以係唇膏又可以係胭脂，簡簡單單3,4支筆就可以完成半個全妝。 令MI有驚喜既係highlight #10同陰影#11，打亮效果遠比光影粉泥得自然。因為質地油份重，所以形造出自然既光澤感，達到韓妝所追求令身高透光既感覺。比起光影粉既質感較matt粉感較重，整個妝感都會重左。而陰影亦係同樣道理，膏狀質地形造效果比較輕透，而且唔乾好易推開模糊邊線，整體感覺都會柔和D，較陰影粉泥得自然。 #12 Coral Peach - 帶橙既珊瑚色，MI就冇試過上咀，不過用泥做胭脂不錯。自然易推，份量控制都好簡單，畫一筆就剛剛好。可以做到自然好氣息既妝感。 #13 Rose Gold - 有Shimmer的baby pink，可愛系女生既必備顏色。本身顏色不算太出，加上其他顏色既胭脂上可以形造閃爍效果又係另一種玩法。 質地係最普通既纖維，冇咩驚喜，唯獨是價錢夠平又細支，有個袋仔同膠套保護，帶出街夠唒方便。MI通常都會先用blender推開product再用佢blend開邊線，始終掃頭係呢塊大面都叫做小得可憐。。。 總結來說，如果閣下用開高檔野要求有番咁上下，又或者期望係屋企化好妝可以點都last到大半日的話，呢個系列就唔太適合你啦。不過，如果你好似MI咁貪得意過下癮又或者係小妹妹想係budget之內做到自然又有質感既韓妝，不防可以試玩一下自製最基本既"粉底+光影+陰影+胭脂"4支組合。香港買冇記錯要around $100一支，但MI係樂天網所有都係USD$8，一set7支都係400蚊左右，夠唒抵玩。 希望大家鐘意今次既分享，下次會繼續聖誕放血前哨戰既review，MI會講下討論度極高既Pony Effect。
