一直以黎我都好中意寫野，關於生活關於感情‥‥由細到大都有個好老套但好簡單既願望， 環遊世界。 自從中七畢業之後做左呢份工，的確令我多左好多機會放眼世界。 所以我決定要開始記錄自己的所見所聞，不是要成為網絡紅人不是要成為旅遊家， 而是簡簡單單的，作為實踐夢想的第一步。 加油！ 做左呢份工，看到最美麗的天空，著迷了。 我成日諗，我唔洗再成日羨慕雀仔，因為我番工已經比雀仔看到更多更美麗的天空：） 好不容易等到試用期過左 能夠享用一下公司的優惠 當然第一時間去轉台北先啦！得兩日假？唔緊要啦！黎個兩日一夜台北遊！ 因為機票有優惠既關係 是次台北遊 CX機票加住宿只用了HKD1100. 住宿方面 因為貪方便同貪平 揀左位於台北車站附近的「力歐時尚旅館」 講真 我真係未必會住第二次 從台北車站行到去大約需要10分鐘 入到房真係比想像中細好多好多 基本上得2張床同一個小衣櫃 廁所都算窄 加上我訓左一晚就發現有幾隻蚊 同埋被套都不算好乾淨 我諗呢度岩d budget較低加上冇太高要求的人 旅館包埋第二朝早餐，但一落到去見到選擇不多加上賣相不討好 我地決定出去食！ 由於得兩日一夜，一早上到機又要delay一個鐘，由機場坐飛狗去旅館時又因為架車冇油搞左半個鐘，令時間更緊逼！ 放低行李就立即出發西門町！哈哈哈我地搭捷運仲要拎住杯木瓜奶，爭ｄ比人罰錢！ 去到西門町立刻開turbo行下買下食下咁 唔知係好彩定唔好彩！咁岩撞正林書豪去西門町出席活動！全個西門町逼滿曬人直頭郁都郁唔到！ 逼左10分鐘，好辛苦逼左入去阿宗麵線避避難 期間仲要見到有兩個人暈倒！ 等左半個鐘活動終於結束。 坐捷運去到劍潭站開始掃街mode！第一次去裝修後的士林夜市 真係少左好多野都細左好多！有點兒失望！ 唯一高興既係仲食到忠誠號的蚵仔煎同燒干貝！ 第二朝放棄左旅館既早餐，去左附近一間叫芳姐早餐的小食店 見到好多上班一族排隊買就知係平靚正之選！ 果然佢既漢堡冇令我失望！仲有蛋餅亦令我驚喜！ 食完早餐，去了我的天堂‥‥誠品！ 時間過得好快！一入去就個幾兩個鐘，買左好多本書就好滿足的番旅館拎番ｄ行李。 再去附近family mart大量搜購我全家都好中意飲既「純。萃喝」奶茶咖啡。 差不多夠鐘就去搭國光客運番機場等上機了！ 今次行程其實好緊逼又冇咩特別，真係好似兩日一夜去camp咁 番到香港第二朝又要番工 不過能夠將台北當長洲都幾感恩哈哈哈 而家唯有期待下個月大假去東京！
