在日本每次走入百圓店，總會輕易買了一埋可有可無的回家，就是看準你「都只係100円je (依家大概港幣$7.8左右)，咪試下囉」的心態。當然也不時搵到平靚正好野啦！ 日本有幾間大型100yen 店都是不能錯過的啊！ ①Daiso：最為港人所熟悉，主打實用性生活雜貨，亦是日本最大規模的百元店，日本國內共有3,000店舖,海外1,500店舖 ②CAN☆DO：在實用的生活雜貨上增添一分生活品味，貨品款式較為時尚。在日本20年歷史，國內共有970店舖 ③Seria：都是以時尚生活雜貨為主，主要吸引女性客路，亦是版主最愛啊!在日本有30年歷史，國內共有1,323店舖 今次走入CAN☆DO隨便逛逛，在美容區揀左幾款百元美妝玩意同大家分享。用☆做左簡單評分，最高為☆☆☆，絕對值得一試啊！ 首先係美甲部門： Peel Off 免洗甲水指甲油 ☆☆☆ 閃片透明甲油 ☆☆☆ 指甲花紋印章盤 (稍後分享) 亦都係今次購物籃裡面最滿意的幾款產品️ 甲油也有不少選擇啊～ 糖果粉紫配粉紅色，仲有好多色揀啊～ 完全不用洗甲水就能輕易撕甩， 搽得唔靚又搣左佢再搽過， 想襯多幾隻色又得！ 提提大家搽完Peel Off 最好上一層 Top coating~如果唔係好易甩啊！ 在單色甲油上加上一層閃片甲油，黎個華麗轉身。這閃粉甲油含高密度的閃粉及閃片，而且很容易黏在甲油掃及指甲上，容易控制閃爍效果，拍得住有牌子的甲油效果。 化妝品部門： 台灣製眼線液 ☆ 光影修容粉 ☆☆ 這款光影及修容粉包裝小巧精緻，點睇都唔似100yen，而且粉末比想像中幼滑，貼面上色，但附送的小掃就...都係用返自己的比較好。 台灣製眼線液：唔好比個樣厄左，見佢係台灣製，就膽粗粗買黎試下，試上手都ok,夠色水，但係有小小化，筆頭軟中帶硬，操控感也是不錯的。但不防水防油，本身比較多眼油的版主，出到街一陣就知中伏了。所以如果比較多油的sis 就未必適合了。 化完個妝都係時候卸返個妝啦！ 透明質酸卸妝紙 ☆☆ 抽取式包裝，方便衛生，質地超濕潤，基本上是揸得出水的，並加入了透明質酸成分，呵護肌膚。剛才畫上的三條眼線，輕輕一接就缷左大半。另外還有Q10及膠原蛋白兩款。 今日同大家買住咁多先，下次再同大家分享^^ ------------------------------- 版主在日本生活差不多兩年，帶大家走進更地道的日本之旅，捐窿捐罅搵更多好玩好食好睇的同大家分享！不時更新，密切留意啊！ ————————- Facebook: https://www.facebook.com/sakurastation.jp/ Instagram: sakura_station Online Store: http://www.sakurastation-jp.com/ ————————-
