每個星期二都習慣去CX website 昅下有乜jetso，曾經見過唔洗$1000飛Bangkok，$1600幾飛首爾，最誇張見過唔洗HK$2000直航飛Maldives，想起自己坐budget airline飛Maldives要唔止雙倍呢個價就心都痛。今次巧遇老公和我都可以話飛就飛，就實行任性一次，掉底兩個細路，第一次用HK$1640(未連稅) book 左CX Fanfares飛東京，一個早上book埋酒店，下定決心7日後私奔。 機場Valentino有7折，未上機先做個熱身。哈! 雖然今次飛得咁last minute，好幸運只靠睇TripAdvisor都搵到間好好既酒店。HK$1500一晚，又新又方便，酒店樓下就有Lawson，Toyota 同埋宅急別(即行李托運)，假如要寄野同租車，好方便架。行幾步又大把野食，連我喜歡的六歌仙烤肉店都在附近。話時話，六歌仙個set約HK$500一位好多野食包括和牛，好味又抵食。相比住開間老牌Keio Plaza位置就無呢間好，仲要$1800一晚。Blossom唯一缺點就是前檯職員英文差，無機場巴直達和去Disneyland的穿梭巴士，不過今次個trip無細路，坐JR和機場快線就超方便。
